Problem cutanea

Un problem cutanea es un problem medical cual afeta la sistem de pel (la sistem cual inclui la pelo, ungias, musculos e glandes relatada). Esta sistem funsiona xef como un ostaculo contra la ambiente esterna.

Manxeta e manxa

Papula e placa

Nodulos

Vesicula e bula

Ulsera, fesur, e erode

Maladias

Maladias de la pel inclui infetas de pel e neoplasmas de pel (incluinte canser de pel). Per plu, vade a esta articles.

Lesiones

Lesiones prima

• Manxa: un cambia de color de la pel, sin desformi clar.
• Papula: un bulteta, tipal un parte de un eruta inflamada de la pel.
• Placa: un lesion surfasal composada de conflue de multe peti papulas.
• Nodulo: un infla peti o un agrega de selulas en la corpo, tipal nonormal.
• Tumor: un infla de un parte de corpo, jeneral sin inflama, causada par un crese nonormal de texeda.
• Bula: un pox peti de fluida (limfa, sero, sangue, o pus su la stratos alta de la pel
• Vesicula: un bula peti, un eleva epidermal plenida con aira o licuida, min ca 5–10 mm de diametre.
• Pustula: un bula peti sur la pel cual conteni pus.
• Siste: un caveta nonormal conteninte un secrete licuida.
• Eritema: rojin de la pel o membranas mucosa, causada par un iperemia en capilares surfasal
• Erode: un abri de la pel con perde noncompleta de la epiderma, moida, limitada, e tipal depresada.
• Ulcera: dana sur la pel o membrana mucosa, con desintegra de la texeda.
• Fesur: un abri lineal de la pel, tipal profunda.

Lesiones du

• Crosta: sebo, pus o sangue seca, usual miscada con detrito epitelial e a veses baterial.
• Atrofia: refere a perde de texeda, e pote es epidermal o sucutanea.
• Scama: seca o grasosa masas de laminida ceratin, simil a la scamas de un retil.
• Ceratose: un crese de ceratin sur la pel o membranas mucosa.
• Escara: un peso de texeda necrosica cual ia es perdeda de la surfas de la pel.
• Ragade: fesures o sicatrises linial en la pel, spesial a la angulos de la boca e nas.
• Sicatris: pel normal pos dana, la resulta de la repara de pel.
• Contusa: un tipo de ematoma de texeda en cual capilares surfasal es danada, tipal de un colpa.

siste	ceratose	scama (psoriase)
ragade	eritema (maladia de Lyme)	erode
contusa	sicatris	escar (lesion de arde grado tre)

Bibliografia

• Miller, Jeffrey H. (2006). Lookingbill and Marks' Principles of Dermatology, Saunders. ISBN 1-4160-3185-5.
• Géraut C, Frimat P. Dermatoses des utilisateurs de ciments; Arch Mal Prof 1993 ; 54 : 312-314
• Paolo Fabbri, Carlo Gelmetti, Giorgio Leigheb (2010). Manuale di dermatologia medica, Elsevier Masson. ISBN 978-88-214-3122-7.