Infeta de la pel debe es distinguida de dermatite, cual es inflama de la pel, ma un infeta de la pel pote resulta en inflama. Un inflama cual resulta de un infeta es nomida dermatite infetal. Infetas baterial de la pel ia afeta sirca 155 milion persones e selulite ia aveni en sirca 600 milion persones en 2013

Selulite con edema de la gama sinistra

Infetas baterial edita

Foliculite es un infeta de un foliculo cual sembla pustulas.

Impetigo es un infeta baterial multe comunicable la plu comun en enfantes prescola. Lo es causada xef par stafilococo aureo, e a veses par stretococo piojene

Erisipela es un infeta acuta de stretococo de la epiderma profunda con sperde limfal.

Selulite es un inflama sperdeda de texeda juntada con inflama sever de la stratos dermal e sucutanea de la pel. Selulite pote es causada par flora normal de la pel, o par bateria esojenesal, e comun aveni do la pel ia es a ante rompeda: fisures, talias, bulas, ardes, mordes par insetos, feris de sirurjia, injeta de drogas, inserta de cateter intravenal, etc. Pel sur la fas o gamas basa es la plu comun locas afetada par esta infeta, an si selulite pote aveni a cualce parte de la corpo. La bateria asosiada la plu comun es stretococo e stafilococo aureo.

Fungal edita

Infetas par fungos pote presente se como infetas surfasal o profunda de la pel, capeles, e/o ungias. En 2010, los ia afeta sirca un bilion persones global.

Infestas parasital, picas, e mordes edita

Infestas parasital, picas, e mordes en umanas es causada par alga grupos de organisme de la filos seguente: anelido, artropodo, briozon, cordato, cnidario, sianobateria, ecinodermato, nematodo, platihelminto, e protozon.

Virus edita

Problemes virusal de la pel es causada par du grupos major de viruses - ADN e ARN - ambos de cual es parasitos intraselulal obligada.