La termas strato de ozon o sfera de ozon sinia la zona de la stratosfera de la Tera cual conteni un relativa alta consentra[1] de ozon. Esta strato cual estende aprosima a la 15-50 km de altia, colie la 90% de la ozon presente en la atmosfera e asorbe 97-99% de la radia ultravioleta de frecuentia basa (150-300 nm).

Scema de la distribui de ozon en la atmosfera. La pitur alta coresponde a lo cual nos nomi strato de ozon.

La esiste de la strato de ozon ia es sujestada par Charles Fabry e Henri Buisson. Sua ideas ia es esaminada par la meteorolojiste brites G. M. B. Dobson, ci ia desinia un simple spectrofotometro cual ia pote es usada per mesuras la ozon stratosferal fada de la surfas de la Tera. Entre 1928 e 1958 Dobson ia crea un rede mundal de stasiones per monitori la ozon de la atmosfera, cual continua opera en la presente. La unia de Dobson, un unia de mesura de la cuantia de ozon, ia es nomida en sua onora.

Orijina de la strato de ozon edita

La ozon es un forma alotropial de la osijen, cual sola es stable en states determinada de presa e temperatur. Lo es un gas composada par tre atomes de osijen ( ).

La mecanicismes fotocimical cual veni en la strato de ozon ia es investigada par la fisiciste brites Sydney Chapman en 1930. La formi de ozon de la stratosfera de la Tera es catalisada par la fotones de lus ultravioleta, cual interata con la moleculas de osijen gasal, cual es constituida par du atomes de osijen ( ), separa los en atomes de osijen constituinte; la osijen atomal combina con acel moleculas de   cual ancora permane sin desosia, forminte en esta manera moleculas de ozon,  .

La consentra de ozon es plu grande entre 15 e 40 km, con un valua de 2-8 particulas per milion, en la zona conoseda como strato de ozon. Si tota esta ozon ta es compresada a la presa de la aira a la nivel de la mar, esta strato ta ave sola 3 milimetres de densia.

La ozon ata como filtro, o scermo protejente, de la radias nosiva, e de alta enerjia, cual veni a la Tera, permetente ce pasa otra como la ultravioleta de onda larga, cual de esta forma veni a la surfas. Esta radia ultravioleta es la cual permete la vive en la planeta, e reali la fotosintese de la rena vejetal, cual es en la basa de la piramide ecolojial.

En la marjin de la strato de ozon, la 10% de ozon restante es contenida en la troposfera, e lo es perilosa per la esentes vivente par causa de sua forte carater osidinte. Consentras elevada de esta composada en nivel surfasal formi la cual es nomida nebla fotocimical. La orijina de esta ozon pote es esplicada en un 10 % como prosedente de ozon transportada de la stratosfera e la resta es creada de mecanicismes diversa, como la produida par la tormentas eletrical cual ioni la aira e lo fa, multe corta, bon condutador de la eletrica. A alga veses on pote vide du lampos seguente cual segue sirca la mesma curso.

La ecuilibra dinamical de la ozon edita

La ozon es produida en la seguente reatas:

 [2]
 
Sicle de la ozon.
 

Per dise, la osijen moleculal cual es encontrada en la stratos alta de la atmosfera es bombardada par la radia solal. De la spetro larga de radia un serta frato de fotones completi la esijes enerjial nesesada per catalisa la rompe de la lia duple de la atomes de osijen de la molecula de osijen moleculal.

Plu tarda, la Sol converti un molecula de ozon a un de osijen duatomal e un atom de osijen sin lia:

 

Durante la fase oscur (la note de esta rejion de la planeta), la osijen unatomal, cual es alta reatosa, combina con la ozon de la strato de ozon per formi un molecula de osijen duatomal:

 

Per manteni constante la strato de ozon en la stratosfera esta reata fotocimical debe susede en perfeta ecuilibra, me esta reatas es fasil disturbable par moleculas, como la composadas clorida (como la clorofluorocarbones[3]) e la composadas bromida.

Problemes en la strato de ozon edita

 
Promedio mensual Global de  .
 
Compara de la buco en la strato de ozon supra Antartica en 1979 e 2008. La densia de ozon ia veni a sua minima en la anio 2000 e de alora ia es recovrente. Lo es esperada ce en poca desenios reveni a sua niveles orijinal.

La trasa oservante de la strato de ozon asta anios ultima, ia veni a la conclui ce esta strato pote es considerada seria menasada. Esta es la motiva xef por cual la Asembla Jeneral de la Nasiones Unida ia reuni a 16 setembre 1987, adotante la Protocol de Montreal. En 1994, la Asembla Jeneral de la Nasiones Unida ia proclama el dia 16 setembre como la Dia Internasional per la conserva de la strato de ozon.

La gasta grave de la strato de ozon provoca la aumenta de la casos de melanomas, canser de pel, cataratas oial, supresa de la sistem imune en umanas e en otra spesies. Ance afeta a la cultivas sensable a la radia ultravioleta.

Para conserva la strato de ozon on debe diminui a zero la usa de composadas cimical como la clorofluorocarbones (friadores industrial, propulsantes), e fungisides de tera (como la bromide de metil) (Arjentina, 900 tonas/anio) cual destrui la strato de ozon a un ritmo 50 veses superior ca la CFC.

Esperas de solve edita

La ultima mesuras realids con satelites indica ce la buco en la strato de ozon es reduinte, cuando la niveles de clorofluorocarbones (CFC) ia diminui. Esta composadas cimical dana la strato de ozon de la atmosfera cual proteje nosa planeta. Durante plu de 50 anios, la cuantia de CFC presente en la parte alta de la atmosfera ia aumenta a un ritmo constante asta la anio 2000. De alora, la consentra de CFC ia redui a rapidia de cuasi un 1% anial. La diminui permete espera ce la buco de la strato de ozon pote es cluida a la media de la sentenio.

Notas edita

  1. On estima ce la consentra de ozon en la sfera de ozon es de alga particulas per milion. Esta consentra pote pare multe pico en valuas asoluta, ma en valuas relativa lo es multe plu alta ca la consentras presente en la atmosfera basa, an si alga pica comparada con la consentra de la composantes fundal de la atmosfera.
  2.   es la enerjia de la foton cual inisia la reata
  3. La plu comun es   (freon 11),   (freon 12),   (freon 113) e   (freon 114).