Suiz

Federa Suiz Schweizerische Eidgenossenschaft Confédération Suisse Confederazione Svizzera Confederaziun Svizra
Informa jeneral
Capital:	Bern
Lingua ofisial:	Deutx, franses, italian e rumans
Dirije
Governa:	Republica parlamental federal
- Xef de stato:	President Ueli Maurer
- Xef de governa:
Otras
Area:	41 277 km²
Popla:	8 140 000
Densia:	197
PIB:	US$ 431 960 milion
Mone:
Zona de ora:	CET (UTC +1)
Numero de telefon:	+41
Interede:	.ch

Suiz (deutx: Schweiz, franses: Suisse, italian: Svizzera, rumans: Svizra e latina: Confoedaratio Helvetica) es un pais en Europa. Sua area es sirca 41 290 cilometres cuadrida e la cuantia de popla, en la anio 2006, es sirca 7 523 934 persones.

La site capital es Bern. Lo es un pais federal de 26 statos. La linguas ofisial es deutx, franses, italian e rumans. Lo ave dialetos de Schweizerdeutsch (Suiz-deutx) cual es nonofisial parlada.

Istoria

Suiz esiste como un stato en sua forma presente de pos la adota de la Constitui Federal Suiz en 1848.

En 1863, Henri Dunant de Geneve ia crea la Crus Roja. En 1859, el ia vide la batalia de Solferino entre la osteraiceses e la sardas, en cual 40 000 persones ia mori o deveni ferida. La orijina de la bandera de la Crus Roja es la bandera de Suiz.

Politica

Per 2012 la presidente ia es Sra Evelyne Widmer-Schlumpf (Stato de Graubuenden).

Per 2013 la presidente ia es Sr Ueli Maurer de la Partida de la Popla de Suiz (SVP/UDC) e de la stato de Zürich.

La dia nasional es la prima de agosto. Esta dia recorda la dia suposada en 1291 cuando la Nota Federal (la "Magna Carta" de Suiz) ia es composada.

Linguas

Suiz ave cuatro linguas ofisial: deutx, italian, franses e rumans, un lingua romanica cual es un lingua nasional como la tre otras. La governa federal es obligada a comunica en la linguas ofisial, e en la parlamento federal on ave traduis simultan a deutx, franses e italian.