Deutx (lingua)

Deutx (Deutsch)
Parlada en:	Deutxland, Osteraic, Suiz, Lictenstain, Luxemburg
Area:	Europa e otra partes de la mundo.
Tota parlores:	120 miliones
Ordina:	11
Familia:	Linguas germanica
State ofisial
Lingua ofisial de:	Deutxland, Osteraic, Suiz, Lictenstain, Luxemburg
Regulada par:
Sifras
ISO 639-1	de
ISO 639-2	ger /deu
SIL
Locas do deutx es parlada.
Vide ance: Lingua – Lista de linguas

La lingua deutx es un lingua indoeuropean. Lo parteni a la familia lingual germanica, en junta con engles, nederlandes, frisce, dansce, norsce, svensce e islansce. Deutx es parlada par sirca 100 milion persones como lingua prima, e par sirca 28 000 persones como lingua du. Lo es parlada como lingua ofisial xef en Deutxland, Osteraic, e (con franses e italian) en Suiz. On parla deutx ance en Lictenstain e Luxemburg, e en la areas bordal en Italia (Tirol-sude), Frans (Elsas), Beljia e Danmarc.

On ave sirca 20 000 persones en Brasil ci parla deutx como Lingua prima.

La lingua deutx ave multe dialetos, divededa en deutx basa (en norde), deutx media, e deutx alta (en sude).

Istoria

Nos divide cuatro periodos:

• Deutx alta vea (asta sirca 1050 ec)
• Deutx alta media (asta sirca 1350 ec)
• Deutx alta nova prematur (asta sirca 1650 ec)
• Deutx alta nova (la deutx de aora).

En la eda medieval, Deutxland ia es divideda en multe statos diferente. Car no lingua unida ia esiste, on ia scrive simple per es comprendeda en la plu multe rejiones.

Martin Luther, ci ia tradui la Biblia (1522 asta 1534), ia usa tal modeles. Esta tradui ia ave influe grande a la defini de un lingua scrival unida. Ma asta 1800, un lingua deutx unida ia esiste sola como lingua scrival. En la areas local, on ia parla dialetos diversa, e la lingua scrival ia debe es aprendeda cuasi como un lingua stranjer.

Entre 1854 e 1860, la frates Grimm ia publici la disionario prima de la lingua deutx.

La disionario ofisial, cual defini la ortografia e gramatica coreta (como declarada en 1901), ia es publicida a la ves prima en 1860. Esta model ofisial de la lingua deutx ia es reformida a multe veses. La reformi ultima de la ortografia ia es proposada en 1996, e es oji (2006) jeneral usada pos multe controversas.

Fonolojia

	Bilabial	Labio- dental	Alveolal	Pos- alveolal	Palatal	Velar	Uvulal	Glotal
Esplodente	p  b		t  d			k  g		ʔ¹
Africante	p͡f		t͡s	t͡ʃ  d͡ʒ²
Nasal	m		n			ŋ5
Fricante		f  v6	s  z	ʃ  ʒ²	ç³	x³	ʁ4	h
Aproximante					j
Licuida			r4  l				ʀ4

Scrive

La scrive deutx usa la alfabeta latina con ance la leteras "ä", "ö", "ü" (Umlaute) e "ß" (nomida "es-tset"). Si on no dispone la leteras spesial (pe a un teclador engles), on usa la representas "ae", "oe", "ue" e "ss".

Asta la comensa de la sentenio 20 on ia usa formas spesial de leteras en primi ("Fraktur") e en scrive de mano ("Sütterlin"). Aora la plu de la persones deutx, spesial la jovenes, no pote leje esta formas de scrive.

Leteratur

Vide leteratur deutx.

Esemplo

Johann Wolfgang von Goethe Heideröslein (1771) Sah ein Knab' ein Röslein stehn, Röslein auf der Heiden, War so jung und morgenschön Lief er schnell es nah zu sehn Sah's mit vielen Freuden Röslein, Röslein, Röslein rot, Röslein auf der Heiden. Knabe sprach: "Ich breche dich, Röslein auf der Heiden." Röslein sprach: "Ich steche dich, Daß du ewig denkst an mich, Und ich will's nicht leiden." Röslein, Röslein, Röslein rot, Röslein auf der Heiden. Und der wilde Knabe brach 's Röslein auf der Heiden; Röslein wehrte sich und stach, Half ihr doch kein Weh und Ach, Musste es eben leiden. Röslein, Röslein, Röslein rot, Röslein auf der Heiden.

Johann Wolfgang von Goethe Roseta savaje Un fio ia vide un rosa peti, Rosa sur la stepe, Lo ia es tan joven e bela como la matina, El ia core per vide lo de prosima, El vide lo con multe joia. Rosa, rosa, rosa roja, Rosa sur la stepe. Fio ia dise: "Me prende tu, Rosa sur la stepe." Rosa dise: "Me va pica tu, afin tu pensa eterna a me, e me no va tolera lo." Rosa, rosa, rosa roja, Rosa sur la stepe. E la fio savaje ia prende la rosa sur la stepe. Rosa ia defende se e ia pica, No jemi o lamenta ia aida el, el ia debe tolera lo. Rosa, rosa, rosa roja, rosa sur la stepe.