Leteratur deutx

Esta articulo es supra la leteratur en la lingua deutx. Lo inclui leteratur scriveda en Deutxland, Osteraic e partes deutx de Beljia e Suiz, Lictenstain e Tirol Sude en Italia.

Leteratur european

Linguas clasica

Linguas germanica

Linguas slavica

Linguas celta

Otras

Vide ance
Leteratur european

Istoria

Eda medieval

La leteratur deutx medieval refere a la leteratur scriveda en Deutxland, comensante en la periodo carolingian e sur sua fini on ave datas variosa ma la Reforma (1517) es la punto media.

Deutx alta antica

La obra la plu famosa en esta lingua es la Hildebrandslied, un peso corta de verso eroin aleterosa germanica cual, estra la Muspilli es la sola survivor de cual ia ta es un tradision bocal vasta. Otra obra importante, en la dieleto norde de sason antica, es un vive de Cristo en la stilo de epica eroin conoseda como la Heliand.

Deutx alta media

Deutx alta media comensa en la sentenio 12 e en la dui du de esta, on ave un intensi subita de ativia, cual ia dona 60 anios de "eda orosa" de la leteratur deutx medieval refereda como la mitteldeutsche Blütezeit (1170-1230). Esta ia es la periodo de flori de la poesia lirica en deutx alta media, spesial la menestreles (Minnesang en deutx). Un de la poesistes la plu importante ia es Walther von der Vogelweide. La mesma sesdes anios ia vide composa de la romanses de cortea. Estas ia es scriveda en duples rimada, es fundida sur modeles franses como Chrétien de Troyes e relata con la tema arturian, pd, Parzival parl Wolfram von Eschenbach. La promove leteratural tre de esta anios ia es un renovi de la tradision eroin, en cual la tradision bocal germanica antica pote ancora es persepida, ma cristianida e ajustada a la corte. Esta epicas eroin medieval alta es scriveda en linias rimada, no versa aleterada (pd la Nibelungenlied).

Esta periodo fini en 1350, en cuando la deutx alta nova temprana comensa con la Renase Deutx, pos la inventa de tipos movable en la media de la sentenio 15. Donce, la leteratur de la sentenio 14 tarda e la sentenio 15 temprana es situada entre la deutx alta media e nova, e pote es clasida como cualce de los. Obras de esta periodo de cambia inclui La Anelo (s 1410), la poesias de Oswald von Wolkenstein e Johannes von Tepl, la varias deutx de Ponto e Sidonia, e la obras de Hans Folz e Sebastian Brant (Barcon de foles, 1494), entre otras. La tradision de Volksbuch cual ta flori en la sentenio 16 trova sua orijina en la dui du de la sentenio 15.

Eda moderna

La Baroca (1600 a 1720) ia es un de la tempos la plu importante en la leteratur deutx. Multe scrivores refleta esperias asustante en la Gera de Tredes Anios, en poesia e en prosa. La aventuras de la joven e inosente Simplicissimus de Grimmelshausen en sua libro Simplicius Simplicissimus ia deveni un novela famosa en esta periodo. Martin Opitz ia institui la regulas per la "puria" de la lingua, stilo, versa e rima. Andreas Gryphius e Daniel Caspar von Lohenstein ia scrive trajedias en deutx or Trauerspiele, frecuente sur temas clasica e bastante violente. Poesia relijial e erotica ia apare a veses en deutx e latina. Sybille Ursula von Braunschweig-Lüneburg ia scrive parte de un novela, Die Durchlauchtige Syrenin Aramena, cual completida ta es la novela la plu conoseda de la leteratur baroca deutx; lo ia es finida par sua frate Anton Ulrich e editada par Sigmun von Birken.

La periodo ia apici e ia fini con La sufris de la joven Werther (1774) par Goethe.

De la desenio tarda de 1760 asta la anios temprana de la desenio de 1780 la promove Sturm und Drang ia domina la sena leteratural deutx. Esta promove ia dona libria a espresa de sujetalia individual e emosias estrema como responde a razonalisme forsada par la Lumina e liada a promoves estetica. On considera la filosofiste Johann Georg Hamann la promovor de la promove, e Johann Wolfgang von Goethe ia es un proposor notable de la promove an si el e Friedrich Schiller ia fini sua periodo de asosia con lo, comensante cual ta deveni la Clasicisme de Weimar. Esta ia dura entre 1786 e 1805.

Eda contempora

La Romanticisme deutx ia es la promove dominante entre la sentenios 18 tarda e 19 temprana. Lo ia developa relativa tarda comparada con la Romanticisme engles ma ia apare a la mesma tempo ce la Clasicisme deutx, cual ia oposa. Romanticisme deutx valua umor e astutia como ance belia. La romanticistes deutx temprana ia atenta crea un sintese nova de arte, filosofia e siensa, vidente la eda medieval como un periodo plu simple. Cuando la tempo ia pasa, los ia deveni plu consensida de la rarida de la unia cual los ia xerca. Romanticismes deutx plu tarda ia asentua la tensa entre la mundo dial e la projetas supranatural e nonrazonal de la jenio creosa. Heinrich Heine ia critica la tende de la romanticistes temprana a vide la pasada medieval como model de unia en arte e sosia.

Periodos

Leteratur deutx medieval
- Leteratur de deutx alta antica (750-1050)
- Leteratur de deutx alta media (1050–1300)
- Leteratur de deutx alta medieval e renasal (1300–1500)
Leteratur de deutx temprana moderna
- Humanisme en Deutxland e la Reforma protestante (1500–1650)
- Leteratur deutx baroca (1600–1720)
- La lumina en Deutxland (1680–1789)
Leteratur deutx moderna
- Leteratur deutx de sentenios 18 e 19
  - Leteratur deutx sensiosa (desenios 1750 e 1770)
  - Sturm und Drang (tempesta e urje) (desenios 1760 e1780)
  - Clasicisme deutx (1729–1832)
    - Clasicisme de Weimar (1788–1805 o 1788–1832, dependente de la mori de Schiller (1805) o de Goethe (1832))
  - Romanticisme deutx (desenios 1790 e 1880)
  - Biedermeier (1815–1848)
  - Deutxland Joven (1830–1850)
  - Realisme deutx (1848–1890)
  - Naturalisme deutx (1880–1900)
- Leteratur deutx de la sentenio 20
  - 1900-1933
    - Fini de la sentenio (c. 1900)
    - Simbolisme deutx
    - Espresisme deutx (1910–1920)
    - Dada (1914–1924)
    - Realisme deutx nova (Neue Sachlichkeit)
  - 1933-1945
    - Leteratur de Sosialisme Nasional
    - Leteratur deutx de esclui
  - 1945-1989
    - Par pais
    - Par tema o grupo
      - Leteratur deutx pos la Gera Mundal 2 (1945–1967)
      - Grupo 47
      - Leteratur de la Olocausto
- Leteratur deutx resente (1989-)

Scrivores

Scrivores deutx importante inclui:

Sentenio 18:

Sentenio 19:

Sentenio 20: