Leteratur dansce

La leteratur dansce, un suclase de la leteratur scandinavian, ia comensa en la eda medieval. La testos la plu temprana conservada de Danmarc es enscrives de runa sur petras e otra ojetos, de cual alga conteni poesias corta en strofes aleterosa. En la tarda de la sentenio 12, Saxo Grammaticus ia scrive Gesta Danorum.

En la sentenio 16, la reformi luteran ia ariva a Danmarc. En esta epoca, Christiern Pedersen ia tradui la Atesta Nova a dansce e Thomas Kingo ia composa imnos. Anders Arrebo ia crea poesia en la sentenio 17. La defias trovada su la monarcia asoluta en 1660 es narada en Jammersminde par Leonora Christina de la Tore Blu.

Ludvig Holberg, influeda par la ideas de la Lumina e Umanisme, es regardada como la fundor de la leteratur dansce e norsce moderna.

En la sentenio 18 la poesia, la drama e la esajo neoclasica ia flori, influeda par la modas engles e franses. La influe deutx es videda en la poesia de poesistes de la tarda de la sentenio 18 como Johannes Ewald e Jens Baggesen. Otra scrivores de la sentenio 18 inclui Hans Adolph Brorson (un scrivor de imnos) e Johan Herman Wessel (un poesiste satira).