Ides

Ides (ייִדיש/אידיש)
Parlada en:	SUA, Israel, Polsca
Area:
Tota parlores:	1 762 320
Ordina:
Familia:	Linguas germanica
State ofisial
Lingua ofisial de:	Sverige (lingua de minoria)
Regulada par:	YIVO (de facto)
Sifras
ISO 639-1	yi
ISO 639-2	yid
SIL	yid
Un paje de la Shemot devarim (leteral: "Nomes de cosas"), un disionario de ides, ivri, latina, e deutx, e ance un tesoro de sinonimes, publicida par Elia Levita en 1542
Vide ance: Lingua – Lista de linguas

Ides (ייִדיש o אידיש, ambos pronunsiada como yidix o, rara, idix en la dialeto litvac) es un lingua germanica parlada par multe iudis sirca la mundo, scriveda en la alfabeta ivri. Ante la Gera Mundal Du, on ia ave sirca 12 milion parlores de ides, ma pos la gera, on ia ave sola sirca du milion (longo un reporta de la Consilio de Europa en 1996).

La lingua ave sua orijina en la cultur Axcenazi cual ia developa en la sentenio des en la Paises de la Reno. Axcenazi es un nom de la Biblia cual ia sinifia Deutxland per la iudis de la Eda Media. La cultur ia estende a Europa sentral e este, e final a otra continentes.

La testo la plu vea en ides es un bondise de un libro de preas ivri de 1272:

Ides	גוּט טַק אִים בְּטַגְֿא שְ וַיר דִּיש מַחֲזֹור אִין בֵּיתֿ הַכְּנֶסֶתֿ טְרַגְֿא
Transleterada	gut tak im betage se vaer dis makhazor in beis hakneses terage
Traduida	ta ce un bon dia veni a el ci porta esta libro de prea en la sinagoga.

Oji, ides es parlada en multe paises de Europa este, America Norde, e Israel. Lo ia ave un influe grande a la cultur de la SUA, spesial en leteratur e sinema.