Usor:Vxeov/Sustantia cimical

Acua gasin e acua licuida es du formas difere de la mesma sustantia cimical pur, per dise, acua.

Un sustantia cimical es un forma de materia cual ave un composa cimical constante e cualias unica. Sustantia cimical pote es sustantia simple (conteni sola un elemento cimical), composadas cimical, o alias.

Sustantias cimical cual on no pote separa los a elementos de composa plu simple par modos fisical es descriveda con "pur"; intendente, esta parola difere los de miscas. Acua pur es un esemplo comun per sustantia cimical; sua cualias e la proportio entre idrojen (H⁺) e osijen (O^2-) es sempre identica egal si on estrae lo de un rio o crea lo en un laboreria siensal. Otra sustantias cimical cual apare comun en forma pur inclui diamante (carbono, C), oro (Au), sal comable (clorido de sodio, NaCl) e zucar refinada (sucrosa, C₁₂H₂₂O₁₁). An tal en realia, sustania total pur es nonesistente, e on debe spesifa la puria cimical de la sustantia longo los usa intenede.

Sustantias cimical esiste en states difere, per esemplo solidas, licuidas, gases o plasma, e pote cambia entre esta fases de materia par cambias de temperatur o presa e tempo. On pote combina o converti sustantias cimical a otras con reatas cimical.

Defini

Colores de un sola cimical (Roja de Nilo) en disolventes diversa, su lus vidable e ultravioleta, ce mostra la modo cual cimical interata dinamical con sua ambiente de disolvente.

Un sustantia cimical es ance definida "cualce materias con un composa cimical serta" en alga libro de aprende per cimica introduinte.  Longa esta defini, un sustantia cimical pote es un elemento cimical pur o un composada cimical pur. Contra esta, on ave esetas a la defini; on pote ance defini un sustantia pur un forma de materia cual ave ambos de composa serta e cualias unica. La cataloga de sustantia cimical, cual es publicada par CAS, inclui ance alga alias cual ave composa nonserta. Composadas nonsteciometrial es un caso spesial (en cimica nonorganica) cual viole la lege de composa constante, e per los, distingui la misca e la composada es a veses difisil, como idrido de paladio. On pote trova definis plu larga de cimicales o sustantias cimical, per esemplo: "la terma 'sustantia cimical' sinifia cualce sustantia organica o nonorganica de un identia moleculal spesifada; lo inclui – (i) cualce combina de tal sustantias cual apare intera o partal como un resulta de un reata cimical, o apare en la natur".

En jeolojia, on nomi sustantias con composa uniforma minerales, contra ce miscas fisical (agregas) de alga minerales (sustantias difere) es definida rocas. Multe minerales, an tal, disolve mutua a disolves solida, alora un sola roca es un sustantia uniforma an con ce lo es un misca en normas steciometrial. Feldspatos es un esemplo comun: anortoclasas (engles: anorthoclase) es un silicato alcalin de aluminio, do la metal alcalin es egal sodio o potasio, intercambiable.

En lege, "sustantias cimical" pote inclui ambos de sustantias pur e miscas con un composa o prosede de fabrica definida. Per esemplo, la UE regula REACH defini "sustantias monocomposante", "sustantias multicomposante" e "sustantias con composa nonsabeda o variable". La du tipos pos es composada de sustantias cimical multiple, ma on pote conose sua identia par o analise cimical direta o refere a un sola prosede de fabrica. Per esemplo, carbon de lenio es un misca estrema complicada e partal polimerosa cual pote es definida par los prosede de fabrica. Donce, an con ce la identia cimical esata es nonsabeda, identifia es posible con un esatia sufisinte. La cataloga de CAS inclui miscas ance.

Polimeres esiste en forma de miscas de moleculas en masa molar multiple cuasi a cada ves, e on pote considera cada como un sustantia cimical individua. An tal, la polimer pote es definida con un presedor o reata(s) conoseda e la distribui de masa molar. Per esemplo, polietilen es un misca de cadenas multe longa de -CH₂- repetente, e lo es vendeda jeneral en alga distribuis de masa molar, LDPE, MDPE, HDPE e UHMWPE.

Istoria

La conseta de "sustantia cimical" ia es firma fundida en la sentenio des-oto par la labora de cimiciste Joseph Proust sur strutures de alga composas cimical pur, pe carbonato alcalin de cupre. El ia dedui ce, "Tota samples de un composada ave la mesma struture, per dise, la proportio de masa de la elementos cual esiste en la composada es identica en tota samples." Esta es aora conoseda como la lege de composa constante. Pos alora, con la progresa de metodos per sintese cimical, spesial sur cimica organica, multe plu elementos cimical ia es trovada, e tecnicas nova de cimica analisal per isoli e puri elementos e composadas de cimicales ia promove la fundi de cimica moderna; con estas, la conseta de sustantia cimical es definida, e on pote trova lo en la plu libros de aprende sur cimica. An tal, alga disputas en relata con esta defini esiste, xef car on ave un bon cuantia de sustantias en leteratures cimical cual cimicistes debe cataloga.

Rexercores primitiva ia es angusada par isomeri, car isomeros ave esata la mesma composa, ma difere a organiza de atomes. Per esemplo, on ia ave multe divina sur la identia cimical de benzen, asta cuando Friedrich August Kekulé ia descrive la strutur coreta. Ance, la idea de stereoisomeri – atomes ave strutur con tre dimensiones rijida, donce pote formi isomeros cual difere sola a sua organiza con tre dimensiones – es un otra grado pivotin per comprende la conseta de sustantias cimical diferente. Per esemplo, asida tartarica ave tre isomeros diferente, un duple de has three distinct isomers, a pair of diastereomeros con un diastereomero cual formi du enantiomeros.

Elementos cimical

Cristales de sulfur en natur. Sulfur esiste natural como un elemento, o en minerales de sulfido/sulfato e sulfido de idrojen.

Article xef: Elementos

Un elemento es un sustantia cimical composada de un tipo de atom spedifa, donce on no pote descomposa o cambia lo a un elemento diferente con un reata cimical, an con ce on pote muta lo a un otra elemento con un reata nucleal. Esta es par causa ce tota atomes en un sample de un elemento ave la mesma cuantia de protones, an si los pote ave isotopos diferente, con cuantia de neutrones variada.

Asta 2019, on ave 118 elementos conoseda, e sirca 80 elementos es stable – per dise, lo no ta cambia a otra elementos con desintegra radioativa. Alga elementos pote esiste como plu ca un sola sustantia cimical (alotropos). Per esemplo, osijen esiste como ambos de osijen diatomal (O₂) e ozon (O₃). La plu de elementos es clasida metales. Estas es elementos con un brilieta unica pe fero, cupre, e oro. Tipal, metales pote bon conduta eletrica e caldia, e los es martelable e formable. Sirca 14 tra 21 elementos, pe carbono, nitrojen e osijen, es clasida nonmetales. Nonmetales no ave la cualias metal ja notada, ma los ave un eletronegativia e un tende a formi iones negativa. Alga elementos como silico sembla metales a alga tempo, e sembla nonmetales a otra tempo; los es nomida metaloides.

Composadas cimical

Fericasianido de potasio es un composada de potasio, fero, carbono e nitrojen; an si lo conteni aniones de sianido, lo no pote relasa la aniones e es nonosiva.

Un composada cimical es un sustantia cimical cual es composada de un colie spesifada de atomes o iones. Composas cimical es formida con combina du o plu elementos a un sustantia con un reata cimical. Tota composas es sustantias, ma no tota sustantias es composas.

Un composada cimical pote es egal atomes liada con lunlotra en moleculas, o cristales do atomes, moleculas o iones formi un rede cristal. Composas cual es xef composada de carbono idrojen es nomida composas organica, e tota otras es composas nonroganica. Composas cual ave lias entre carbono e un metal es nomida composas organometal.

Composas con composantes cual intercambia eletrones es conoseda como composas covalente. Composas cual es composada de iones con cargas oposada es conoseda como composas ional o sales.

Complesos de coordina es ance composas, do un lia de coordina manteni la forma de la sustantia sin alga lia covalente o ional. Complesos de coordina es sustantias unica con cualias difere a miscas simple. Tipal, esta sustantias conteni un metal (pe copre) en la sentro e un atom nonmetal (pe nitrojen en un molecula de amonia, o osijen en un molecula de acua) cual formi un lia de coordina entre lo mesma e la sentro metal, per esemplo sulfato de tetraminacopre(II) [Cu(NH₃)₄]SO₄·H₂O. La metal es nomida un "sentro metal", e la sustantia sirca la sentro es nomida "ligando". An si, la sentro es no sempre un metal; esta es demostrada con la esemplo de trifluorido-eterato de boro BF₃OEt₂, do la sentro de boro alta Lewis-asida ma nonmetal prende la rol de "metal". Si un compleso lia la ligando a la sentro metal con alga atomes, alora lo es un cela.

En cimica organica, on ave composas cimical multiple con la mesma elementos e pesosia moleculal. Estas es jeneral nomida isomeros. Usual, isomeros ave cualias cimical pico diferente, e on pote isoli los sin interconverti spontan. Un esemplo comun es glucosa contra frutosa. La prima es un aldehido, la tarda es un cetona. Sua interconverti nesesa o enzimal o catalise de asida-alcalin.

Par contrasta, tautomeros es un eseta: la prosede de isomeri aveni spontan en ambiente normal, donce on no pote isoli un sustantia pur a sua tautomeros, an si on pote identifia spetroscopial, an isoli estas en ambiente spesial. Un esemplo comun es glucosa, cual ave forma anelo o en cadena abrida. On no pote fabrica glocosa de cadena abrida pur car glocosa ta sicli natural a la forma hemiacetal.

Compara sustantias a miscas

Vitro de vasinia, an con ce lo aspeta omojen, lo es un misca composada de vitro e particula coloide de oro cual ave sirca 40 nm de diametre, dona lo un color roja.

Tota materias es composada de alga elementos e composadas cimical, ma frecuente, estas es misca intima con lunlotra. Miscas conteni plu ca un sustantias cimical, e los no ave un composa constante. De prinsipe, on ave separa los a sua composantes con sola prosedes mecanical. Bur, solo de tera e lenio es miscas comun.

Fero (metal) gris e sulfur jala es elementos cimical; on pote misca los en cualce proportio e crea un misca jala-gris. No prosede cimical aveni, e la materia ave ance la identia de misca par on pote separa fero de sulfur con un prosede meccanical, per esemplo usa un magnete atrae la fero a via.

Par contrasta, si fero e sulfur es caldida en un proportio spesifada (1 atom de fero per 1 atom de sulfur; mesurada en pesosia, 56 grames (1 mol) de fero per 32 grames (1 mol) de sulfur), un reata cimical ta aveni e crea un sustantia nova, per dise la composada sulfido de fero(II), con formula cimical FeS. La resulta ave tota cualias de un sustantia cimical, donce lo no es un misca. Sulfido de fero(II) ave sua propre cualias, pe punto de fonde e solvablia, e on no pote separa la du elementos con prosedes mecanical normal; un magnete es noncapas de retrova la fero car la composada ave fero metal no plu.

Compara cimicales a sustantias cimical

Cimicales en silindres e copa.

Contra ce sustantia cimical es un terma tecnical esata e un sinonim de cimical (nom) en la punto-de-vista de cimicistes, la parola cimical en costum jeneral refere a ambos de sustantias cimical (pur) e miscas (comun nomida composadas), spesial cuando los es creada o purida en un laboreria o fabriceria. Per dise, la sustantias cimical de en frutas e vejetales no es nomida "cimicales" en vive jeneral. En paises cual esije un lista de ingredientes en cada produida, la "cimicales" listada ta es "sustantias cimical" industrial produida. La parola "cimical" refere ance a drogas abituante, narcotica o cual pote altera mente.

En la industria cimical, "cimicales" fabricada es vera sustantias cimical. Par volum de produi, on pote clasi los a cimicales grande, cimicales fina e cimicales sola per rexerca.

• Cimicales grande es produida en serie; sua prosedes es usual continuante e multe otimida, e los es vendeda a bon custa.
• Cimicales fina es produida custosa e en peti cuantia per aplicas spesial cual no nesesa volum alta, per esemplo biosides, farmasiales e cimicales per usas tecnical.
• Cimicales per rexerca es produida individua, per esemplo cuando rexerca vias de sintese, o esamina sustantias per ativas farmasial. En efeto, sua custa per gram es multe alta, an si nun ta vende los.

La difere en produi es par causa de la complicadia de strutur moleculal de la cimical. Cimicales grande es normal multe min complica. An si cimicales fina pote es plu complica, multes es sufisinte simple cual on pote vende los como "brices per construi" en la prosede de sintese a moleculas plu complicada e nonreusable, pd cimicales per rexerca. La produi de un cimical conteni sua sintese, como ance sua puri, afin ce la produidas ladal e nonpuria cual apare en sintese es eliminada. La grado final debe es la analise sur grupos-pesones de cimicales per identifia e cuanti la proportios de nonpurias per la compror. La puria e analise esijeda depend de la aplica, ma jeneral, on pote tolera plu nonpurias en la produi de cimicales grande. Tal usores de la cimical en la SUA pote eleje cimicales grande o "en gradi tecnical", cual ave plu nonpurias, o eleje cimicales "en gradi farmasial" (eticetida "USP", Lista de medisinespeia de la Statos Unida, engles: United States Pharmacopeia), cual es multe plu pur. "Cimicales" en comersia e lege pote ance inclui miscas cual ave composa alta variable, car los es produidas per un spesifa tecnical, en loca de sustantias cimical spesifada. Per esemplo, gasolina no es un composada cimical, an no es un misca unica: gasolina difere pote ave composas cimical multe distingui, car "gasolina" es xef definida par lo orijina, cualia e gradi de otano.