Arabia

Arabia (arabi: شِبْهُ الْجَزِيرَةِ الْعَرَبِيَّة‎, shibhu l-jazīrati l-ʿarabiyyah, 'penisola arabi' or جَزِيرَةُ الْعَرَب, jazīratu l-ʿarab, 'isola de la arabis') es un penisola de Asia sude-ueste, locada norde-este de Africa sur la placa tetonica arabi. La penisola, con Barain, la arcipelago Socotra, e otra isolas prosima, forma un rejion jeopolitical. Ance, lo es la rejion la plu grande en la mundo sin cualce rio.

Arabia, como un area political (jala oscur) e como un area jeografial (jala oscur e jala pal)

Un caravan crusinte la Deserto Ad-Dana en Arabia Saudi sentral

La penisola arabi es la penisola la plu grande en la mundo, con 3,237l,500 km2. Lo es composada par ses nasiones: Cuait, Uman, Arabia Saudi, la Amirias Arabi Unida, e Iaman. La penisola ia es formida como la resulta de la falion de la Mar Roja entre 56 e 23 milion anios a ante, e es bordada par la Mar Roja a la ueste e sude-ueste, par la Golfo Persian a la norde-este, la Levante a la norde, e la Mar Indian a la sude-este. La penisola ave un rol jeopolitical multe importante, como la resulta de sua reservas vasta de petrolio e gas natural.

Ante la eda moderna, lo ia es divideda en cuatro rejiones distinguida: la costa de la Mar Roja (Tihamah), la plato sentral (al-Iamama), la costa de la Mar Indian (Hadramaut), e la costa de la Golfo Persian (al-Barain). Hejaz e Najd composa la plu de Arabia Saudi. Arabia sude es composada de Iaman e alga pares de Arabia Saudi (Najran, Jizan, Asir) e Uman (Dofar). Arabia este es composada de la banda de costa intera de la Golfo Persian.