La penisola de Iberia es locada a la canto sude-ueste de la continente de Europa. La penisola es xef divideda entre Espania e Portugal, con un area peti de Frans en la norde-este, la nasion peti de Andora en la Pirineos, e la teritoria esterna brites de Jibraltar en la sude estrema. Con sirca 596,740 km2 e un cuantia de popla de sirca 53 milion, lo es la penisola du par area en Europa, pos la Penisola de Scandinavia.

Un foto de spasio de la penisola de Iberia

Lo es bordida a la sude-este e este par la Mar Mediteraneo, e a la norde, ueste, e sude-ueste par la Mar Atlantica. La Montes Pirineo es locada longo la borde norde-este de la penisola, do lo junta la resta de Europa. La punto sude es multe prosima a la costa norde-ueste de Africa, separada de lo par la Streta Jibraltar e la Mar Mediteraneo.

La nom "Iberia" es derivada de la parolla latina Hiberia, cual orijina en la parola elinica antica Ἰβηρία. La area ia es videda como la lado mediteraneo de la Pirineos a Jibralta, con la lado atlantica sin un nom propre.

Istoria edita

(per plu, vide Istoria de Espania e Istoria de Portugal)

La area ave un preistoria multe vea. Sirca 200,000 anios ante aora (aa), en la periodo paleolitica temprana, la neandertales ia entra prima a la penisola, e ia developa sua cultur asta sirca 30,000 aa, cuando los ia fasa estingui, posible par compete con la forma de umanas seguente.

Sirca 40,000 aa, umanas moderna ia entra Iberia de Frans sude. Asi, esta popla jenetical omojen ia developa la muta de la cromosoma Y M343, cual crea la aplogrupo R1b, ancora la plu comun en Iberia oji, e en un parte grande de Europa ueste. En Iberia, los ia developa un sserie de cultures: la [[cultur auriniasian], cultur gravetian, cultur solutrean, e cultur magdalenian, alga de cual notable per la formas complicada de arte de la paleolitica tarde.

Tan temprana como la sentenio 12 aec, la fenisianes, un sivilia talasocrata orijinal de la Mediteraneo este, ia comensa esplora la costa de la penisola, interatante con la comunias rica en metales en la sude-ueste de la penisola (cual nos nomi aora Tartessos). La elinicas ia aprende la esiste de esta paises rica de la fenisianes e ia compete con los. La popla orijinal de Iberia ia adota la alfabeta elinica per sua propre linguas, ma la arcivos es minimal.

Temprana en la milenio prima aec, ondas de celtas (e pre-celtas) ia migra de Europa sentral, donce partal cambiante la mapa de etnicos de la penisola de la euscaras, iberianes, e tartesianes a la parlores de linguas indoeuropean, en la rejiones norde e ueste.

En 218 aec, en la Gera Punica 2 contra la cartaganes, la armadas prima de la romanes ia prende la penisola, an si lo no ia aveni completa asta la rena de Augusto, en cual lo ia es ajuntaa pos 200 anios de gera con la celtas e la iberianes. Sola la euscaras ia manteni sua autonomia. En la sentenio 5 ec temprana, popla germanica ia invade la penisola, la suebas, la vandales, e sua alias la alanes, en cuando la Impero Roman ueste ia dejenera.

En 711 ec, un armada muslim ia concista la Rena Visigoto en Ispania. En un campania de 8 anios, los ia controla tota, estra la renas norde. La muslimes ia nomi la penisola Al-Andalus (Arabic: الإندلس‎, "la pais de la vandales"). La penisola su la muslimes ia flori, spesial en arciteta e filosofia.

En la eda medieval, la partes norde de la penisola ia inclui multe renas peti cristian, incluinte la Renas de Castelia, Aragon, Navarra, la Rena de Leon, e la Rena de Portugal, e alga contias cual ia es produida de la Impero de Carlo la Grande. Los batalia con e alia se con lunlotra, incluinte con la su-renas muslim a la sude. Esta periodo, e la avansa multe lenta es nomida aora la "Reconcista".