Jeografia

Esta es la article Jeografia. La categoria Jeografia ave plu articles sur jeografia.

Jeografia es la studia de la surfas de la Tera e de sua aspetas fisical e sosial. La orijina de esta terma es la parolas elinica γη/γεια ("ge/geia"), cual sinifia "Tera", e γραφειν ("grafein"), cual sinifia "scrive"; leteral, "la scrive de la Tera".

Ramos

Jeografia fisical

La jeografia fisical foca a jeografia como la siensa de la tera. Sua intende es comprende la problemes fisical e la difisiles de la litosfera, idrosfera, atmosfera e biosfera.

La jeografia fisical pote es divideda en multe categorias larga:

• Biojeografia
• Climatolojia
• Meteorolojia
• Jeografia costal
• Jeodesia
• Jeomorfolojia
• Oseanografia
• Idrolojia
• Idrografia

Jeografia umana

La jeografia umana es la ramo de la jeografia cual foca a la studia de la prosedes cual formi la sosia umana. Lo ensirca la aspetas umana political cultural, sosial e economial.

La jeografia umana pote es divideda en multe categorias larga:

• Jeografia cultural
• Jeografia economial
• Jeografia relijial
• Jeopolitica
• Demografia
• Jeografia sosial
• Jeografia urban

Jeografia integrada

La jeografia integrada es la ramo de la jeografia cual descrive la aspetas spasial de interatas entre umanas e la mundo natural. Lo esije un comprende de la aspetas tradisional de la jeografia umana e fisical, como ance la formas con cual la sosias umana conseti la ambiente.