Linguas afroasiatica
La linguas afroasiatica es un familia de linguas major, con 240 linguas e 240 milion parlores. Lo inclui la linguas antica como egiptian, ivri, e arami. Ance, lo inclui hausa, la lingua grande de Nijeria. La multe dialetos de arabi es parlada par plu ca 300 milion persones.
- Arabi. Un grupo de dialetos distinguida cual ia evoluida de protoarabi en Asia sude-ueste e Africa norde, con sirca 313 milion parlores; la lingua liturjial per muslimes.
- Amarina. Parlada en Itiopia, con sirca 25 milion parlores.
- Tigrinia. Parlada par sirca 7 milion persones en Ertra e Itiopia.
- Ivri. Parlada par sirca 5 milion persones e sirca 4 milion como un lingua de, en Israel e tra la mundo; ance la lingua liturjial per la popla ides.
- Gurage. Un grupo de linguas parlada par plu ca 2 milion persones en Itiopia.
- Egiptian (r n km.t, pronunsiada prosima a "ra n kumat"). Parlada en Egipte antica, atestada de la milenio tre aec; la frase complete scriveda la temprana conoseda ia es de sirca 2690 aec.
- Copta. Parlada en Egipte e como un lingua liturjial en la Eglesa Ortodox Copla e la Eglesa Catolica Copta; la grupo etnorelijiosa es composada de sirca 15 a 20 milion persones.
- Xilha. Parlada par sirca 7 milion persones en Maroc.
- Cabile. Parlada par sirca 5.6 milion persones en Jazair.
- Tamazigt atlas sentral. Parlada en Maroc par sirca 4.6 milion persones.
- Rifan. Parlada par sirca 4.2 milion persones en Maroc.
- Tuareg. Parlada par sirca 1 milion persones en Mali e Nijer; los abita la area la plu grande de la linguas berber, ma la plu parte es deserto.
- Hausa. La lingua dominante en Nijeria norde, Gana, e Nijer sude, parlada como un lingua prima par sirca 40 milion persones, e como un lingua franca par 20 milion plu, tra Africa ueste e la Sahel.
- Oromo. Parlada en Itiopia e Cenia par sirca 34 milion persones.
- Somali. Parlada par sirca 15 milion persones en Somalia, Djibouti, Itiopia este, e Cenia norde-este.
- Afar. Parlada par sirca 7.5 milion persones en Itiopia, Djibouti, e Ertra.
- La linguas omotica es un grupo de linguas parlada en Itiopia sude-ueste, con sirca 6.2 milion parlores.