Parla de la rios de sangue
En 20 april 1968, la membro de la parlamento brites Enoch Powell ia dirije a un reuni de la Sentro Political Conservaliste en Birmingham, Rena Unida. Sua parla ia critica la migra masosa, spesial la migra de la Comunia a Rena Unida e la proposada projeta legal sur relatas razal. Lo ia deveni conoseda como la Parla de la rios de sangue ("Rivers of blood" speech) an si Powell ia refere a lo como "la parla de Birmingham".
La espresa "rios de sangue" no ia apare en la parla ma es un refere a la linia de la Eneida de Vergilio cual el ia sita: "A cuando me vide a fronte, me es plenida con preteme; como la roman, me pare vide la rio Tiber spumante con multe sangue".
La parla ia causa un tempesta political, fante Powell un de la politicistes plu dividente de la pais, e gidante a un desemplea controversa de la Consilio Ombral par la gidor de la Partito Conservaliste Edward Heath. Seguente multe naras, la popularia de la punto de vista de Powell sur migra ta ave un rol desidente en la vinse surprendente de la conservalistes en la vota jeneral de 1970, e el ia deveni un de la rebelas plu persistente contra la governa de Heath.
|
La funsiona suprema de la arte de governa es furni contra malias prevenable. Xercante fa lo, lo encontra ostaculos cual es radisida profonda en la natur umana. Un es ce la par la multe ordina de cosas tal malias no es mostrable asta ce los ia aveni: a cada grado en sua comensa on ave spasio per duta e per disputa esce los es real o imajinal. Par la mesma fix, los atrae poca atende en compara con la problemes corente, cual es ambos nondisputable e urjente: e par causa de esta, tota politica ave la tenta disturbante de conserna se con la presente direta a custa de la futur. [...] Per esta elementos perilosa e dividente, la Lege Projetada de Relatas Razal es esata la nurinte cual los nesesa per crese. |
