Sentenio 15

La sentenio des-sinco es la periodo entre la anios 1401 e 1500 de la eda comun.

Leonardo da Vinci (15 April 1452 – 2 Maio 1519) - artiste e inventor italian

Avenis

• 1401: Timur saca Baghdad.
• 1402: La Imperos Osmanian e Timuran combate a la Batalia de Ankara, e Timur ia catura Bayezid I. La Impero Osmanian comensa un gera interna (la Interena Osmanan) asta 1413.
• 1402: La concista de la Isolas Canarios, cual indica la comensa de la Impero Espaniol.
• 1402: La Sultania de Malaca es fundida par Parameshwara.
• 1403: La Imperor Yongle move la capital de Xina de Nanjing a Beijing.
• 1405-33: Zheng He esplora la Mar Indian.
• 1410: La Batalia de Grunwald es la batalia desidente de la Gera de Polsca, Lietuva, e la Ordina Deutx (1409-1411), cual indui la cade de la Ordina Deutx (ance nomida la Ordina Teutonica).
• 1415: Henrice la Navigor gida la Batalia de Ceuta, cual gania Ceuta de la Moros, e marca la comensa de la Impero Portuges.
• 1415: La Batalia de Agincourt, entre la Rena de England e Frans.
• 1420-34: La Geras Husiste en Boemia.
• 1429: Jean de Arc fini la Ataca de Orleans e cambia la dirije de la Gera de Sento Anios.
• 1438: Pachacuti fundi la Impero Inca.
• 1440s: La Orda de Oro divide per deveni la Hania Siberian, la Hania Kazan, la Hania Astrakhan, la Hania Crimean, e la Orda Grande.
• 1440-69: Moctezuma 1, la astecas deveni la potia dominante en Mesoamerica.
• 1453: La Cade de Constaninopoli marca la fini de la Impero Roman Este.
• 1453: La Batalia de Castillon es la batalia final de la Gera de Sento Anios.
• 1454-66: Pos vinse la Ordina Deutx en la Gera de Des-tre Anios, Polsca ajunta Prusen.
• 1455-85: La Geras de la Rosas - gera interna en England entre la Casa de York e la Casa de Lancaster.
• 1456: La Ataca de Beograd para la avansa de la Impero Osmanian en Europa.
• 1467-1615: La Eda Sengoku - gera interna en Japan.
• 1469: La sposi de Fernando 2 de Aragon e Isabel de Castelia indui a la uni de Espania.
• 1474-77: La Geras Burgonian entre Frans e la Casa de Habsburg per Burgonia
• 1478: Muscovia vinse Novgorod.
• 1480: Pos la encontra grande a la Rio Ugra, Muscovia deveni autonom de la Orda de Oro.
• 1481: La Incuisisio Espaniol comensa. Nun espeta lo.
• 1492: La sede de Granada par Boabdil marca la fini de la Reconcista e de Al-Andalus.
• 1493: Cristoforo Colombo fundi la colonia prima de Espania en la Mundo Nova, a la Isola Espaniola.
• 1494: Espaniol e Portugal suscrive la Trata de Tordesillas e acorda ce los va divide la mundo estra Europa entre se.
• 1494-1559: La Geras Italian indui la cade de la site-statos italian
• 1497-1499: La viaja prima de Vasco da Gama de Europa a India e a retro.

Persones importante

• Christine de Pizan, scrivor franses (1364 - 1430).
• Jan Hus, pensor relijosa e reformor de Boemia (c. 1369 - 1415).
• Zheng He, eunuco, amiral, e esploror xines (1371 - 1433).
• Filippo Brunelleschi inventa la perspetiva de un punto, cual indui la renovi de arciteta italian (1377 - 1446).
• Henry 5 de England, la re engles ci gania la Batalia de Agincourt en 1405 (1387 - 1422).
• John Hunyadi, renor de la Rena de Magiar, gania la Ataca de Beograd en 1456 (1387 - 1456)
• Sejong la grande de Joseon, re corean ci ia developa hangul, la alfabeta corean (1397 - 1450).
• Constantine 11, imperor final de la Impero Roman Este (1404 - 1453).
• Johannes Ockeghem, composor flames (ca. 1410 - 1497).
• Joan of Arc, eroe fema nasional de Frans (1412 - 1431).
• Kazimierz 4 Jagiellon re de Polsca e duxe grande de Lietuva (1427 - 1492).
• François Villon, poesiste franses (c. 1431 - 1474).
• Vlad 3 Dracula, prinse de Valahia ci gida la defende de sua teritorio contra la Impero Osmanian (1431 - 1476).
• Mehmed 2, sultan de la Impero Osmanian e concistor de Constantinople (1432 - 1481).
• Marsilio Ficino, traduor importante de la obras de Platon (1433 - 1481).
• Gjergj Kastrioti, Skenderbeg - prinse xcip ci resiste la osmanianes tra cuasi 30 anios per la popla xcip e la cristisme catolica (1443 - 1468).
• Matthias Corvinus de Magiar, renor de la Renase (1443 - 1490).
• Isabel de Castelia, corenor de Espania con Fernando 2 de Aragon (1451 - 1504).
• Cristoforo Colombo naviga a la Americas per Espania (c. 1451 - 1506).
• Richard 3 de England, re de England, la re final de la Casa de York e de la dinastia Plantagenet (1452 - 1485).
• Fernando 2 de Aragon, corenor de Espania con Isabel de Castelia (1452 - 1516).
• Leonardo da Vinci, inventor e depintor (1452 - 1519).
• Henry 7 de England, re engles e fundor de la dinastia Tudor (1457 - 1509).
• Vasco da Gama ariva a India per Portugal, e crea un alternativa par mar per la Via de Seda (c. 1469 - 1524).

Inventas, descovres e introduis

• La Renase afeta filosofia, siensa e arte.
• La Eda de Descovre comensa.
• La nase de engles moderna de engles media.
• La introdui de la campana de mediadia en la mundo catolica.
• La introdui de bancos publica.
• La Enciclopedia Yongle, cual ave 22 000 volumes.
• La alfabeta hangul en Corea.
• La uisce scotes
• La ospital psiciatrial
• La developa de la xilografia entre 1400-1450
• Perspetiva lineal perfetida par Filippo Brunelleschi 1410-1415
• La inventa de la clavesimbal c. 1450
• Prima tipografial developada en Europa par Johann Gutenberg 1455
• "Descovre" de America par Christopher Columbus 1492
• La clusa prima construida en Vreeswijk, Nederland en 1481