Uigur (lingua)
La lingua uigur (ئۇيغۇر تىلى, Uyghur tili, Уйғур тили) es un de la linguas turcica con entre 10 e 15 milion parlores, parlada xef par la popla uigur en la Rejion Autonom de Xinjiang Uigur de Xina ueste. Comunia sinifiante de parlores es locada ance en Asia sentral. Lo es la lingua ofisial de la rejion autonom e es multe usada en sferas sosial e ofisial, en primi, radio, e televide, e como un lingua comun par otra minorias etnical en Xinjiang.
Uigur parteni a la ramo carluc de la linguas turcica (pd, con uzbec). Como otra linguas turcica, uigur ave armonia de vocales, aglutina, la asentia de clases de nomes o seso gramatica, es un lingua de ramos sinistra con SOV ordina de parolas. En ajunta a influes de otra linguas turcica, uigur es istorial influeda par farsi e arabi, u plu resente par putong e rusce. Lo usa normal un alfabeta arabi, con leteras obligada per vocales. Algas usa la alfabeta cirilica.