Uni monal latina
La Uni monal latina (UML, franses L’Union latine) ia es creada en la sentenio 19 en un intende per uni varia mones european en sola mone cual ta pote es usada en tota la statos membros, en un eda en cual la plu de la monetas nasional ancora ia es fada de oro e arjento. La uni ia es fundida en 1865 e disolveda en 1927.
Istoria
edita
23 desembre 1865, Frans, Beljia, Italia, e Suiz ia aproba un acorda en cual ia promete cambia sua mones nasional a un norma de 4.5 grames de arjento o 0.290322 de oro (un proportio de 15.5 a 1) e fa los libre intercambiable. Plu tarda Elas junta a los en 1868. Esta mesma anio, Espania ia adota esta norma per sua moneta local, seguente un acorda biladal con la UML. Ance en 1889 San Marino, Romania e Osteraic-Magiar ia adota la mesma norma par sua acordas biladal con la Uni, como ance Balgaria, Venezuela, Serbia e Tsernagora, de forma uniladal (sin junta formal a la Uni). La Uestindia Dansce ance ia adota la mesma norma en 1904, ma no ia junta a la UML, en manera ofisial.
Per causa de la flutuas de oro e arjento, e la turbas political de comensa de sentenio 20, la Uni monal ia es abandona en anios 1920, e disolveda formal en 1927. La monetas de 0.50, 1 e 2 ia segue es usada en Suiz e Venezuela asta es sustituida a fada de cupre-nicel en 1967.
Monetas de oro usante la mesma normas ancora es emeteda en Italia e San Marino e valuadas en euros.
Presente, de tota la mones de la UML, la sola no sustituida a alga otra es la franc suiz.
Monetas
edita
La statos membros de la UML ia emeteda monetas analoja de la monetas franses.
| Valua nomal | Metal | Masa | Diametre |
|---|---|---|---|
| 100 frances | Au 900‰ | 32.25 g | 32 mm |
| 50 frances | Au 900‰ | 16.13 g | 28 mm |
| 20 frances | Au 900‰ | 6.45 g | 21 mm |
| 10 frances | Au 900‰ | 3.23 g | 19 mm |
| 5 frances | Au 900‰ | 1.61 g | 17 mm |
| 5 frances | Ag 900‰ | 25 g | 37 mm |
| 2 frances | Ag 835‰ | 10 g | 27 mm |
| 1 franc | Ag 835‰ | 5 g | 23 mm |
| 50 sentimes | Ag 835‰ | 2.5 g | 18 mm |
| 20 sentimes | Ag 835‰ | 1 g | 16 mm |
Lista de mones liada a la UML
edita- Bolivar venezuelan
- Crona svensce (0.72 crona = 1 franc)
- Crone dansce (0.72 crone = 1 franc)
- Crone norsce (0.72 crone = 1 franc)
- Dinar serbsce
- Dracmi elinica
- Florin nederlandes (0.48 florin = 1 franc)
- Florin osteraices (0.4 florin = 1 franc)
- Franc beljes
- Franc franses
- Franc luxemburges
- Franc suiz
- Franc tunisi
- Franco dominican
- Gud aitian (0.2 gud = 1 franc)
- Leu romanian
- Lev balgarsce
- Lira italian
- Marca suomi
- Perper tsernogorsce
- Peso arjentina (0.2 peso = 1 franc)
- Peseta espaniol
- Rigsdaler de Uestindia Dansce (0.2 rigsdaler = 1 franc)
- Rublo rusce (0.375 rublo = 1 franc)
- Sol peruvian (0.2 sol = 1 franc)