Libro
Un libro es un media per rejistra informa en la forma de scriveda o imajes. Libros moderna es tipal en la formato de manoscrito, composada de multe folias cual es liada en junta e protejeda par un covrente; los ia es presededa par alga formatos plu temprana, incluinte la enrola e la tableta. La prosede de publici libros es la serie de pasos envolveda en sua crea e difusa.
Como un ojeto consetal, un libro refere a un obra scriveda de longia sustantial, cual pote es o fisical o dijital distribuida. Esta obras pote es jeneral clasida como naras (conteninte contenida inventada, frecuente naras) e nonaras (conteninte contenida intendeda como veria fatal). Un libro fisical pote no conteni un tal obra: per esemplo, lo pote conteni sola desinias, gravas, fotos, rompetestas, o contenida estraable como pupas de paper. Lo pote ance es lasada vacua per usa personal, como en la caso de libros de contas, libros de datas, libros de suscrives, libros de notas, jornales personal e libros de desinias.
Libros es vendeda a ambos botecas regula e librerias, e ance enlinia per trae, e pote es emprestada de bibliotecas. La reseta de libros ia gida a un cuantia de resultas sosial, incluinte sensura.
La industria moderna de libros ia esperia alga cambias major par causa de tecnolojia nova, incluinte libros eletronical e libros audio (rejistras de libros lejeda a vose). Consensia de la nesesas de persones con descapasias de primi ia gida a un crese en la formatos desiniada per asedablia, como primi de braille e editas con leteras grande. Google Books ia estima en 2010 ce aprosima 130 milion libros unica ia es publicida en tota.[1]
Definis
editaEn sua incarne moderna, un libro es tipal composada de multe folias (comun de paper, pergamin, o pergamin de boveta) cual es liada en junta longo un borda e protejeda par un covrente. Par estende, libro refere a la contenidas scriveda, primida, o grafica de un libro fisical. Un sola parte o divide de un obra scriveda plu longa pote ance es nomida un libro, spesial per alga obras composada en anticia: cada parte de la Fisica de Aristotele, per esemplo, es un libro.[2]
Lo es difisil per crea un defini esata de la libro cual separa clar lo de otra tipos de materia scriveda tra tempo e cultur. La sinifia de la terma ia cambia sustantial tra tempo con la evolui de medias de comunica.[3] La istoriste de libros James Raven ia sujesta ce cuando on studia como libros ia es usada per comunica, los debe es definida en un modo larga incluinte como metodos "portable, durante, replicable e lejable" per rejistra e difusa informa, en loca de depende de cualias fisical o contestal. Esta ta inclui, per esemplo, libros eletronical, jornales, e cipus (un forma de rejistra fundida sur nodas istorial usada par cultures en la Andes de America Sude), ma no ojetos fisada en loca como monumentos gravada.[4][5]
Un defini plu sever es donada par UNESCO: per la intende de rejistra statisticas nasional sur la produi de libros, lo ia recomenda ce un libro es definida como "un publici primida nonperiodal de a la min 49 pajes, estra la pajes de covrente, publicida en la pais e fada a disponable a la publica", distinguinte los de otra materia scriveda como libretas.[6] Kovač et al. ia critica esta defini car lo fali acorda con la formas dijital nova. Los proposa cuatro criterios (un longia minima; contenida testal; un forma con bordas definida; e "arciteta de informa" como strutur linial e alga elementos testal) cual formi un "ierarcia de la libro", en cual formas cual sasia plu criterios es considerada plu simil a la libro primida tradisional.[7][8] An si en lingua academial un monografia es un obra spesialiste sur un tema singular, en la siensa de informa e bibliotecas la terma es usada plu larga per sinifia cualce publici nonserial completa en un volum (un libro fisical) o un numero definida de volumes (como un novela multivolumal), en contrasta con publicis serial o periodal.[2]
Referes
edita- ↑ "Books of the world, stand up and be counted! All 129,864,880 of you.."
- ↑ 2.0 2.1 "ALA Glossary of Library and Information Science (4th edition)". New Library World. 115 (3/4): 193. 2014-03-04. doi:10.1108/nlw-10-2013-0076. ISSN 0307-4803.
{{cite journal}}: Manteni de CS1: data autotraduida (link) - ↑ Johnson, Miriam J. (2019-03-01). "What is a Book? Redefining the Book in the Digitally Social Age". Publishing Research Quarterly (en engles). 35 (1): 68–78. doi:10.1007/s12109-018-9622-z. ISSN 1936-4792.
{{cite journal}}: Manteni de CS1: data autotraduida (link) - ↑ "What Exactly Do We Mean By a Book? (in en-US)." 2020-10-01.
- ↑ Raven, James, ed. (2023-03-23). The Oxford History of the Book. Oxford: Oxford University Press. doi:10.1093/oso/9780192886897.001.0001. ISBN 978-0-19-288689-7.
{{cite book}}: Manteni de CS1: data autotraduida (link) - ↑ Revised Recommendation Concerning the International Standardization of Statistics on the Production and Distribution of Books, Newspapers and Periodicals 1 November 1985 (en engles). Martinus Nijhoff Publishers. 2007. pp. 593–604. doi:10.1163/ej.9789004164543.1-0.64. ISBN 978-90-04-16454-3. Consultada en 2024-02-02.
{{cite book}}: Manteni de CS1: data autotraduida (link) - ↑ Kovač, Miha; Phillips, Angus; van der Weel, Adriaan; Wischenbart, Ruediger (2019-09-01). "What is a Book?". Publishing Research Quarterly (en engles). 35 (3): 313–326. doi:10.1007/s12109-019-09665-5. ISSN 1936-4792.
{{cite journal}}: Manteni de CS1: data autotraduida (link) - ↑ Wischenbart, Ruediger (2008-01-15). "Ripping off the cover: Has digitization changed what's really in the book?". Logos. 19 (4): 196–202. doi:10.1163/logo.2008.19.4.196. ISSN 0957-9656.
{{cite journal}}: Manteni de CS1: data autotraduida (link)