Abri la menu xef
blue - linguas turcica; verde - linguas mongolica; roja - linguas tungusica; japanes (purpur), corean (jala), e ainu (brun) no es aora incluida par la plu de linguistes

La linguas altaica es un familia de linguas. Lo ave sirca 60 linguas, incluida la linguas turcica, mongolica, e tungusica con sirca 250 milion parlores.

Linguistes ia ave multe consernas e discutes sur esta familia. La linguas altaica es frecuente grupida con la linguas uralica, cual ave un strutur de gramatica e otra cualias simil a lo de la linguas altaica, posible como partes de un area linguistica ("Sprachbund"), pd linguas cual ia influe lunlotra. Ma la vocabulas no relata forte, estra emprestas. Ambos familias ia comensa sirca 5000 anios aec, simil a familia indoeuropean.

Alga linguistes crede ce corean, japanes, e ainu debe es incluida con la linguas altaica. Aora, la plu de linguistes no crede ce esta linguas es relatada, o an ce los es relatada la un a la otra.

An si la orijin de esta familia de linguas no es conoseda, la area la plu sujesteda es Asia norde-sentral, prosima a la Montes Altai e la Lago Baical, o posible plu sude e/o plu este de los en Mongol o Mandju en Xina. Aora los estende de Turcia tra Asia sentral a Mongol, Xina norde, e Sibir este.