Niord

En mitolojia norsce, Niord (norsce vea: Njörðr) es un dio de la vanir, padre de Frei e Freia par sua sore (no nomida), ia es en un sposi maldestinada con la diva Skadi (Skaði). El abita en Noatun e es asosiada con la mar, naviga, venta, pexa, ricia, e fertilia de cultivadas.

La desira par Niord per la mar

En la Edda prosal, La dios permete Skadi eleje sua propre sposo, ma el es permeteda vide sola la pedes de la dios no sposida. El eleje cual el pensa debe es Balder, ma es revelada como Niord. Los sposi, ma no pote deside si los ta abita prosima a la mar, de cual Niord veni, o la montanias, de cual Skadi veni. Los deside ce los va abita alga anios a la mar o alga anios a la montanias. Ma cuando a la mar, Skadi anela per la montanias, e cuando a la montanias, Niord anela per la mar. Ultima, los ta abita separada, ma no asta los ave du enfantes multe bela: Frei e Freia.

Niord es atestada en la Edda poesial e la Edda prosal, reconsetida como un re temprana bon amada de Sveria en la Heimskringla, e como un de tre dios clamada en la Hauksbok jura de anelo de la sentenio 14, e en multe nomes de locas en Scandinavia. Adora de Niord ia survive a la sentenio 18 o 19 tradisiones folclor norsce, do la dio es rejistrada como Njor e grasiada per un bon prende de pex.

Niord ia es la sujeto de un cuantia de discute erudita, e es comun liante el con la figur de un diva germanica Nerthus, plu temprana atestada e la eroe Hadingus. Lo es teorida ce el ia ave un rol plu grande en paganisme norsce per la cuantia de nomes de locas con sua nom.