Abri la menu xef
Un mapa de la poseses normande en la sentenio 12

La normandes es un etnica cual comensa en Normandia, un rejion norde en Frans, de la contata entre la francas nativa e colonistes norsce. La colonias ia segue un serie de atacas a la costa franses de Danmarc, Noria, e Island, e la colonistes ia gania legalia cuando la xef vicing Rolo ia acorda jura fide a re Carlo 3 de Francia Ueste. La identia distinguinte cultural e etnical de la normandes ia emerji prima en la dui prima de la sentenio 10, e lo ia continua evolui tra la sentenios seguente.

La dinastia normande ia ave un efeto major political, cultural, e militar sur Europa medieval e Asia ueste. La normandes ia es famosa per sua spirito militar e ultima per sua relijiosa catolica, e ia deveni promovores de la ortodoxia catolica en cual los es asorbada. Los ia adota la lingua franses vea de la pais franca en cual los ia relocali, e sua dialeto ia deveni conoseda como normande, un lingua de leteratur importante cual es ancora parlada oji en partes de Normandia e la Isolas de la Manga visin. La duxia de Normandia, cual los ia formi par trata con la corona franses, ia es un feudo grande de Frans medieval, e su Ricardo 1 de Normandia ia es forjada a un prinsipia forte e coerente en tenida feudal

La normandes es notada per sua cultur - pe sua arciteta romanica e tradisiones musical, e per sua atenis e inovas sinificante militar. Aventurores normande ia fundi la Rena de Sisilia su Roger 2 pos concista Italia sude e Malta de la sarasenes e bizantianes, e un mision per sua dux, William la concistor, ia abri la via a la concista normande de England a la Batalia de Hastings en 1066. En la sentenio nova, la normandes ia catura Sevilla en Espania sude, e la fortias normande e anglonormande ia contribui a la Reconcista Iberian de la sentenio 11 temprana a la sentenio 13 media.

La influe cultural e militar normande ia sperde de esta sentros nova a la statos de crusadores de Asia ueste, do sua prinse Bohemond 1 ia fundi la Prinsia de Antioc en la Levante, a Scotland, England, Cimri, e Er, e a la costas de Africa norde e la Isolas Canario. La lega de la normandes persiste a oji tra la linguas rejional e dialetos de Frans, England, Espania, e Sisilia, como ance la aranjas political, cultural, e judal los ia introdui a sua teritorios concistada.