Pax Britannica

Pax Britannica (latina per "pas brites") ia es la periodo de pas relativa entre la potias grande en cuando la Impero Brites ia deveni un potia global e adotada la rol de "polisior global".

Un mapa de la Impero Brites en 1886

Entre 1815 e 1914, un periodo refereda a como la sentenio imperal de Britan, sirca 26 milion km2 de teritorio e sirca 400 milion persones ia es ajuntada a la Impero Brites. La vinse supra Frans de Napoleon ia resta ce la brites no ia ave cualce oposor internasional seria, otra ca posible Rusia en Asia sentral. Cuando Rusia ia atenta estende sua influe en la Balcanes, la brites e franses ia vinse lo en la Gera de Crim (1853-1856), cual proteje la Impero Osmanan.

La Marina Real de Britan ia controla la plu de la vias de comersia maral e ia joia pote nondefia a la mar (en la parte tarda de la periodo, acel supremia ia es protejeda par la "model de du potias". Con la controla formal cual Britan ia ave sur sua propre colonias, la rol dominante par Britan en comersia mundal ia sinifia ce el ia controla la asede a multe rejiones, como Asia e America Latina. La brites ia aida la SUA per manteni la Prinsipe de Monroe cual ia aida la manteni de pas en la Americas, an si esta ia irita la otra imperos colonial. Mercatores, transportores, e bancores brites ia ave tan vantaje grande supra cada otra ce, en ajunta a sua colonias, lo ia ave un "impero nonformal".

Pos perde la colonias american en la Revolui American, Britan ia turna a Asia, la Pasifica, e plu tarda Africa con esplorores seguente, resultante en la leva de la Impero Brites Du (1783-1815). La Revolui Industrial ia comensa en Britan en la sentenio 18 tarda, e ideas nova ia emerji consernante mercatos libre, como The Wealth of Nations ("la ricia de nasiones") par Adam Smith. Comersia libre ia deveni un prinsipe sentral cual Britan ia segue per la desenio de 1840. Lo ia jua un rol importante en la crese economial e domina finansial de Britan.

De la fini de la Geras de Napoleon en 1815 asta la Gera Mundal Un en 1914, la Rena Unida ia ave un rol de ator la plu potiosa. La forsa de un "pas brites" sur vias de comersia maral ia comensa en 1815 con la ajunta de Srilanca brites. Su la abita brites de la Golfo Persian, la renores arabi local ia acorda a alga tratas cual ia formali la proteje par Britan de la rejion. Britan ia compulsa un trata contra piratia, la Trata de Mar Jeneral de 1820, sur tota renores arabi en la rejion. Par suscrive la Sesaspara Eterna de Mar de 1853, la renores arabi ia sede sua diretos per gera a mar como la custa de proteje brites contra menasas esterna.

La superioria global de la militar e comersia brites ia es aidada par un Europa continental divideda e relativa debil, e la presente de la Marina Real sur tota de la mares de la mundo. An estra sua impero formal, la brites ia controla la comersia con multe nasiones, como Xina, Tai, e Arjentina. Seguente la Congresa de Wien, la Impero Brites continua crese sua potia economia par domina de la mares e atentas diplomata per manteni un ecuilibra de potia en Europa continental.

En esta eda, la Marina Real ia furni servis sirca la mundo cual ia benefica otra nasiones, como par la supresa de piratia e la bloci de la comersia en sclavos. La Ata de Comersia de Sclavos de 1807 ia proibi acel comersia tra la Impero Brites, pos cual la Marina Real ia institui la Scuadron de Africa Ueste e la governa ia negosia tratas internasional su cual los pote enforsa la proibi.

Ma sua potia sur mar no estende a la tera. Geras sur tera ia aveni entre la potias major ia inclui la Gera de Crim, la Gera Frans-Osteraic, la Gera Osteraic-Prusen, e la Gera Frans-Prusen, con alga desacordas entre potias minor. La Marina Real ia prosegue la Geras de Opio prima e du (1856–1860) contra Xina imperal. La Marina Real ia es superior a cualce otra du marinas combinada en la mundo. Entre 1815 e la crea de la leges marinal deutx de 1890 e 1898, sola Frans ia es un menasa posible.

La aveni la plu desidente ia emerji de la Gera entre Britan e Egipte, cual ia resulta en la prende de controla par la brites de Egipte per sete desenios, an si la Impero Osmanan ia reteni posese legal asta 1914. Istoriste A. J. P. Taylor ia dise ce esta "ia es un aveni grande; vera, la sola aveni vera en relatas internasional entre la Gera de Sedan e la defeta de Rusia en la Gera entre Rusia e Japan." Taylor ia asentua la efeto durante:

"La controla brites de Egipte ia cambia la ecuilibra de potia. Lo no sola dona securia a la brites per sua via a India; lo ia resulta en los deveni la mestres de la Mediteraneo este e Asia sude-ueste; lo ia resulta en ce lo no ia es nesesada ce los debe sta a la linia fronte contra Rusia a la Stretas... E en esta modo, ia prepara la mundo per la Alia entre Frans e Rusia de 10 anios plu tarda."

Britan ia intercambia benes e capital vasta con nasiones sirca la mundo, e lo adota un politica de comersia libre pos 1840. La crese de la fortia de la Impero Brites ia es plu suportada par la barcon de vapor e la telegraf, tecnolojias nova inventada en la dui du de la sentenio 19, permetente ce Britan pote controla e defende la impero. Per 1902, la Impero Brites ia es liada par un rede de cables de telegrafes, cual los nomi la "Linia Tota Roja".

La Pax Britannica ia es debilida par la rompe de la ordina continental cual ia es instituida par la Congresa de Wien. Relatas entre la potias grande de Europa ia es tensada a la punto de rompe par casos como la declina de la Impero Osmanan, cual resulta en la Gera de Crim, e la emerji de statos nova como Italia e Deutxland pos la Gera Franco-Prusen. Ambos de esta geras ia envolve la statos e armadas la plu grande de Europa. La industri de Deutxland, la Impero de Japan, e la SUA ia contribui a la declina relativa de la supremia industrial de Britan en la sentenio 19 tarda.