Alfabeta n'ko

N'ko (ߒߞߏ‎) es un scrive inventada par Solomana Kante en 1949, como un sistem de scrive per la linguas manding de Africa ueste. La nom sinifia "me dise" en tota linguas manding. La scrive ave alga similes con la scrive arabi, notable sua dirije (destra a sinistra) e la lia de leteras a sua fonda. No como arabi, n'ko obliga la marca de vocales e tono.

Kante ia crea n'ko como un responde a cual el ia persepi como credes de africanes ce los es un popla sin cultur, car ante alora, no sistem de scrive nativa african per sua lingua ia esiste. N'ko ia es inventada en Bingerville, Costa de Ivor, e alora traeda a Kankan en Gine, la rejion nativa de Kante, ante lo ia es sperdeda a otra partes de Africa ueste en cual linguas manding es parlada. La dia de la n'ko alfabeta es april 14, relatante a la data en 1949 cuando la scrive es crededa como finida.

La introdui de la scrive ia condui a un promove de alfabetisme en la alfabeta n'ko entre parlores de manding en partes anglofon e francofon en Africa ueste. La capasia de leje n'ko ia aida la forma de la identia cultural de la mandincas en Gine, e ia forti la identia manding en otra partes de Africa ueste.

N'ko usa sinietas per indica la tonos e la longia de vocales. En ajunta a la vocales simple, n'ko distingui cuatro tonos: alta, basa, asendente, e desendente; e du longias de vocales: longa e corta. No marca esiste per un tono desendente e corta.

Consonantes

Vocales

Tonos