Abri la menu xef
Un indica de dirije sinistra usante bopomofo per aida studiantes joven en un scola prima en Taipei

Bopomofo (ㄅㄆㄇㄈ) es la nom comun per un sistem de scrive xines, spesial en Taiuan. La nom plu tecnical es zhuyin fuhao (xines: 注音符號; pinyin: zhùyīn fúhào). Lo es ance usada per transcrive otra linguas de Xina, spesial per indica la pronunsia de sinias xines en testos. Lo inclui 37 sinias e cuatro sinietas per tono e pote transcrive tota fonemes posible en xines. Lo ia es introduida en Xina par la governa de la Republica de Xina en la desenio de 1910 e ia es usada lado a lado con la sistem de Wade-Giles, cual usa un alfabeta latina alterada. La sistem de Wade-Giles ia es recambiada par pinyin en 1958 en la Republica de la Popla de Xina. An si Taiuan ia adota ance la sistem de pinyin en 2009, bopomofo es ancora un sistem ofisial ala e es ancora usada como un util de educa e como un metodo de entra en computadores.

ㄚ  ㄛ  ㄝ  ㄜ  ㄞ  ㄟ  ㄠ  ㄡ  ㄢ  ㄣ  ㄤ  ㄥ  ㄦ   丨    ㄨ    ㄩ
a   o   ê  e  ai   ei ao  ou  an en ang eng er  yi/-i wu/-u -ü

ㄅ  ㄆ  ㄇ  ㄥ  ㄉ  ㄊ  ㄋ  ㄌ  ㄍ  ㄎ  ㄏ  ㄐ  ㄑ  ㄒ  ㄓ  ㄔ  ㄕ  ㄖ  ㄗ  ㄘ  ㄙ
b   p   m  f   d   t   n  l   g  k   h   j   q  x  zh  ch  sh  r  z   c   s

Un sinia tradisional es transcriveda a bopomofo en du partes: un letera prima e un letera codal. Usante la leteras de pinyin, la leteras prima es b, p, m, f (la orijin de la nom bopomofo), d, t, n, l, g, k, h, j, q, x, zh, ch, sh, r, z, c, s . La codas es a, o, e, ê, ai, ei, ao, ou, an, en, ang, eng, er. E on ave la leteras per yi/-i , wu/-u, yu/-ü: La yi, wu, e yu es usada solitar e como leteras prima; i, u, e ü es usada como codas o leteras media.

La tonos es (usante "ma" como un esemplo) ㄇㄚ, ㄇㄚˊ, ㄇㄚˇ, ㄇㄚˋ, ˙ㄇㄚ. La tono prima es alta; tono du comensa a un nivel media e leva; tono tre comensa a la nivel media, cade a basa, e alora leva a alta; tono cuatro comensa a alta e cade a basa.

On pote usa bopomofo per scrive elefen:

a o e i u
b p m f d t n l
g k h j x r z s v


Sistemes de scrive model
Logografias Cuneforma | Ieroglifes | Xines | Canji | Maia
Silabarios Tsalagi | Canadianes orijinal | Catacana | Hiragana | Linial B
Abjades Alfabeta orijinal | Arabi | Fenisia | Arami | Ivri | Nabatea | Suri | Ugaritica
Abugidas Bangla | Brami | Calinga | Canada | Caxmiri | Devanagari | Granta | Gujurati | Gupta | Gurmuci | Itiopian | Mianmar | Odia | Sindi | Sinhales | Tai | Tamil | Telugu | Tengwar | Tibetan | Tocarian
Alfabetas completa Bopomofo | Cartuli | Cirilica | Copta | Deseret | Deutx | Elinica | Eres | Etrusca | Glagolitica | Goto | Haieren | Hangul | Latina | Mandaia | Mongol | Ogam | Runas | Shaw | Turces vea | Uigur
Otra cosas Scrive corente | Stenografia | Transcrive | Alfabeta Fonetical Internasional (AFI) | Unicode