Alfabeta tocarian

La alfabeta tocarian (ance conoseda como la alfabeta brami de turcestan norde) es un varia de la alfabeta brami usada per scrive la linguas tocarian, xef de la sentenio 8 (con algas plu temprana) cual ia es scriveda sur folias de palma, tabletas de lenio, e paper xines, conservada par la clima sever seca de la Basin de Tarim. Esemplos de la lingua ia es descovreda a locas en Kucha e Karasahr, incluinte multe enscrives mural.

La alfabeta es derivada de la abugida e es ance conoseda como brami apoiada. Un parte grande de la scrives ia es traduis de obras budiste conoseda en sanscrito, e algas ia es an bilingual, fasilinte la desifri de la linguas. Esta testos relijiosa budiste e maniste, on ave ance corespondes e contas, documentos comersial, lisensas per caravanes, e testos medical e majial, e un poesia de ama.

La scrive ia estingui, probable pos 840, cuando la uigures ia es forsada de Mongol par la cirgiz, e ia retira a la Basin Tarim. Esta ipotese es suportada par la descovre de traduis de testos tocarian a uigur. Su la rena par la uigures, la poplas ia misca es produi la plu de la popla moderna de la area conoseda aora como Xinjiang.

Como en la scrive brami orijinal, cada consonante ave un vocal inerente, cual pote es cambiada par la ajunta de un marca per un otra vocal, o sutraeda par un marca spasial cual nega la vocal inerente, la virama. Simil a brami, tocarian pila consonantes juntada sur lunlotra,

Vocales

Autonom	A	Ā	I	Ī	U	Ū
R̥	R̥̄	E	Ai	O	Au	Ä
Marcas (sur )	Tha	Thā	Thi	Thī	Thu	Thū
Thr̥	Thr̥̄	The	Thai	Tho	Thau	Thä

Consonantes

Velales	Ka	Kha	Ga	Gha	Ṅa
Palatales	Ca	Cha	Ja	Jha	Ña
Retroflexes	Ṭa	Ṭha	Ḍa	Ḍha	Ṇa
Dentales	Ta	Tha	Da	Dha	Na
Labiales	Pa	Pha	Ba	Bha	Ma
Sonantes	Ya	Ra	La	Va
Sibilas	Śa	Ṣa	Sa	Ha

Otra marcas

Visarga	Anusvara	Virama (sur )	Jihvamuliya	Upadhmaniya