Engles antica

Engles antica Ænglisc, Anglisc, Englisc
Parlada en:	England, sude e este de Scotland, este de Cimri
Area:
Tota parlores:	Developada en la sentenio 13 a la engles media
Familia:	Linguas germanica  Germanica ueste   anglo-frisce    engles
State ofisial
Lingua ofisial de:
Regulada par:
Sifras
ISO 639-1:	[1]
ISO 639-2:	ang
ISO 639-3:	[2]
SIL:	[3]
Mapa
Detalia de la paje prima de la manoscrito de Beowulf, mostrante la parolas "ofer hron rade", traduida como "sur via de balena" (= a mar). Lo es un esemplo de un kenning, un truco leteratural anglosason.
Vide ance: Lingua – Lista de linguas

Engles antica (acc "engles vea", "anglosason") es la forma la plu temprana de la lingua engles, parlada en England e en la sude e este de Scotland en la eda medieval temprana. Lo ia es traeda par la colonistes anglosason probable en la media de la sentenio 5, e la obras prima en engles antica orijina en la media de la sentenio 7. Pos la concista normande de 1066, engles ia es sustituida como la lingua de la clases alta, per alga tempo, par anglonormande, un lingua relatada con franses, e engles antica ia developa a la forma istorial seguente de engles, conoseda como engles medieval.

La paje prima de Beowulf en engles antica

Fonolojia

Consonantes

	Labial	Dental	Alveolal	Pos- alveolal	Palatal	Velal	Glotal
Esplodente	p b		t d			k ɡ
Africante				tʃ (dʒ)
Fricante	f (v)	θ (ð)	s (z)	ʃ	(ç)	(x ɣ)	h
Nasal	m		(n̥) n			(ŋ)
Prosiminte			(l̥) l		j	(ʍ) w
Vibrante			(r̥) r

La sonas en brasetas a supra no es fonemas tipal:

• [dʒ] es un alofon de /j/ cual aveni pos /n/ e cuando duplida.
• [ŋ] es un alofon de of /n/ cual aveni pos /k/ e /ɡ/.
• [v, ð, z] es alofones vosida de /f, θ, s/, cual aveni entre vocales o consonantes vosida.
• [ç, x] es alofon de /h/ cual aveni en la codas de silabas pos vocales fronte e dorsal en ordina.
• [ɣ] es un alofon de /ɡ/ cual aveni pos un vocale e, en un forma plu vea de la lingua, en la comensa de un silaba.
• La consonantes xuxada [ʍ, l̥, n̥, r̥] es analisada como la reali de la segues /hw, hl, hn, hr/.

Vowels – monoftongos

	Fronte		Dorsal
	nonrondida	rondida	nonrondida	rondida
Alta	i iː	y yː		u uː
Media	e eː	(ø øː)		o oː
Basa	æ æː		ɑ ɑː

Diftongos

Elemento prima	Corta (monomoraica]	Longa (bimoraica)
Alta	iy/ie	iːy/iːe
Media	eo	eːo
Basa	æɑ	æːɑ

Morfolojia

Nomes es declinada per ...

sinco casos: nominativa, acusative, jenitiva, dativa, strumental;

tre jeneros: mas, fema, neutra;

du cuantias: singular e plural;

du clases: forte e debil.

La strumental es vestijial, e comun reponeda par la dativa. Sola pronomes e ajetivos forte reteni lo. La dialeto de Northumbria ave indicas de un caso locativa.

Ajetivos acorda con nomes en caso, jenero, cuantia, e forma. Pronomes e a veses partisipios acorda en caso, jenero, e cuantia. A veses, pronomes de person un e du mostra un cuantia duple. La article defininte sē e sua infletas es usada per "la", "acel", e la pronom "acel". Otra demostrantes inclui þes ("esta"), and ġeon ("acel a un distantia"). Esta parola infleta per caso, jenero, e cuantia. Ajetivos ave formas forte e debil; la debiles es usada cuando un determinante defininte o posesente es ance presente.

Verbos es conjugada per...

tre persones: un, du, e tre;

du cuantias: singular e plural;

du tempos: presente e pasada;

tre modos: indicante, sujuntiva, e comanda;

du clases: forte (con ablautes) e debil (con sufisa dental).

Verbos ave du formas de infinitivas: nuda e liada, e du partisipios: presente e pasada. La sujuntiva ave formas pasada e presente. Verbos finita acorda con sujetos per person e cuantia. La tempo futur, vose pasiva, e otra aspetas es formida con composadas. Aposadas es plu comun ante, ma ance comun pos, sua ojeto. Si la ojeto de un aposada es marcada en la caso dativa, un aposada pote es locada a cualce loca en la frase.

Restas de la sistem de caso de engles antica esiste ja en engles moderna en a formas de alga pronomes (pe I/me/mine, she/her, who/whom/whose, e en la fini de posese -'s cual deriva de la fini jenitiva mas e neutre -es. La fini plural en engles moderna deriva de la engles antica -as, ma la orijinal ia aplica sola a nomes mas forte en la casos nominativa e acusativa; otra finis per la plural ia es usada en otra situas. Nomes en engles antica ia ave jenero, ma engles moderna ave sola jenero natural.

La construis verbal composada es la comensa de los en engles moderna. La clases "debil" (regular) e "forte" esiste ancora en engles moderna, e la pasada de verbos debil es ancora indicada con un sufisa dental (-ed).

Sintatica

La sintatica de engles antica es simil a lo de engles moderna. Alga diferes es la seguentes de esiste en engles antica de infletas nomal e verbal, cual ia permete un ordina de parolas plu libre.

La ordina de parolas es verbo-du en proposas major, e verbo-final en proposas suordinada, plu como nederlandes moderna ca engles moderna.

Engles antica no usa la verbo aidante "do" en demandas e negativas: "do you want that?" e "I do not want that." En engles antica, demandas ia es formida tipal par reversa la sujeto e la verbo, e negativas par pone ne pos la verbo.

Negativa pote es dupida en un frase per forti lunlotra; lo no es permeteda en engles moderna, estra alga dialetos "nonormal".

Frases con proposas suordinada de la tipo "cuando X, Y" (pe "When I got home, I ate dinner") no ia usa la parolas de demanda ("wh-"), ma en loca un forma corelativa ("th-") como þā, cual sinifia "alora" (pe þā X, þā Y). La parolas "wh-" ia es usada sola per demandas e como pronomes nondefinida. Simil, la "wh-" formas no ia es usada como pronomes relativa. En loca, la parola nondeclinable þe es usada, comun presededa (o reponeda) par la forma conveninte de la article/demostrativa se.

Scrive

Engles antica ia es prima scriveda en runas, usante la futhorc - un colie de runas derivada de la futhark de 24 leteras usada a la continente, estendeda con sinco plu runas per la estra vocales e, a veses, alga plu leteras. De sirca la sentenio 8, la runas ia es reponeda par un forma semiunsial de la alfabeta latina, introduida par misionores cristian eres. Esta ia es reponeda par la scrive isolal, un varia cursiva e puntida de la semiunsial. Esta ia es usada asta la fini de la sentenio 12, cuando la scrive pico carolan de la continente ia repone la scrive isolal.

Contrastante con la ortografia de engles moderna, lo de engles antica ia es cuasi regular, con un acorda cuasi predisable entre leteras e fonemes. Lo no ia ave multe leteras silente, pe la parola cniht ia es pronunsiada con la c e la h, e no como "knight" en engles moderna, pronunsiada como elefen "nait".

a - como en elefen.

æ - como en la engles "cat", corta o longa.

b - como en elefen.

c - como en elefen, ma a veses como tx.

cg - como dj.

d - como en elefen.

ð - como th en engles "thin"; ma ance como en engles "then" en alga locas.

e - como en elfen.

ea - un diftongo como æ-a.

eo - un diftongo como e-o.

f - como en elefen, ma a veses como v.

g - como en elefen, ma a veses como [ɣ], e an como dj.

h - como en elefen, ma a veses como [ç, x].

i - como en elefen.

ie - un diftongo como i segueda par [y] como u en franses.

io - un diftongo como i-u.

k - rara; normal c.

l - como en elefen.

m - como en elefen.

n - como en elefen, e [ŋ] ante c o g.

o - como en elefen.

oe - [ø] como en franses "fleur".

p - como en elefen.

qu - rara; normal cƿ como en engles "queen".

r - como en elefen.

s - como en elefen, ma a veses como z.

sc - como x en elefen, a veses como sc

t - como en elefen.

þ - como th en engles "thin"; ma ance como en engles "then" en alga locas.

u - como en elefen.

ƿ - como u consonantal en elfen, w en engles "we".

x - como cs en elefen.

y - [y] como en franses "pur", corta o longa.

z - rara, ma como elefen ts.

Nota ce la vocales pote es pronunsiada corta o longa. Alga consonantes pote ance es corta o longa, ma la longas es indicada par dupli la letera.

Leteratur

• Widsith
• Deor
• Waldere
• The Fight at Finnsburh
• Beowulf
• Caedmon
• The Dream of the Rood
• The Wanderer
• The Seafarer
• The Ruin
• The Phoenix
• Judith
• The Battle of Maldon
• Lazamon's Brut

Bibliografia

• Mitchell, B An Invitation to Old ENglish and Anglo-Saxon
• Mitchell, B and F.C. Robinson A Guide to Old English
• Bradley, S.A.J. Anglo-Saxon Poetry
• Swaton, M. Anglo-Saxon Prose
• Godden, M. and M. Lapidge The Cambridge Companion to Old English Literature
• Magennis, M The Cambridge Introduction to Anglo-Saxon Literature

• A New Critical History of Old English Literature
• A Critical History of Old English Literature
• A Study of Old English Literature
• Old English Literature: A Short Introduction