Transcrive de latina antica

Car latina es la asendente de la linguas romanica sur cual elefen es fundida, la transcrive de latina es fasil. La plu de la leteras no es cambiada. Esta paje lista la esetas.

Un table aidante:

Latina a b c, ch, k, q d e, ae, oe, ei f, ph g h i, y j l m n ο, ou p r, rh s t, th u v x z
Elefen a b c d e f g h i j l m n o p r s t u v x z

Leteras duple es simplida

DetaliasEdita

Latina Elefen
AE E
OE E
K C
Q C
Y I
CH C
PH F
RH R
TH T
I consonantal J
U consonantal V

En parolas comunEdita

Latina Elefen
C ante E, I, Y deveni S
G ante E, I, Y deveni J
H tipal ometeda

En nomes propreEdita

Latina Elefen Nota
C sempre C no cambia lo a S
G sempre G no cambia lo a J
H retenida ma CH, PH, RH e TH simpli a C, F, R e T
X retenida ma pronunsia lo como X en elefen

Esta regulas reteni la plu de la speles orijinal, tal ce la nomes resta plu reconosable en scrive.

Finis de parolasEdita

Normal, la finis de nomes (propre e comun) refleta la finis nominativa en latina:

Elefen Latina
-o -us, -um, -u, -os
-a -a, -as
-e -e, -es

Esetas inclui Venus e Ceres.

Per esemplo, la nom en elefen per la poesiste Vergilius es "Vergilio". On reteni la G per aida la reconose, ma on cambia la fini. (La cambia de fini afeta apena la reconosablia de la nom.)

Nomes comun con la finis -is, -ix, o -ex no ave un regula predisable en parolas comun: "penis" deveni "penis"; "radix" deveni "radis"; "fenix" deveni "fenix"; "cortex" deveni "cortex"; "rex" deveni "re". On tende segue la linguas romanica. Ma per nomes propre, esta finis resta como lo es. Esta aplica ance a cualce otra finis (pe, -r, -l, -n, -ps, etc).

Ajetivos fini normal con -a o -e.

A veses, cuando un nom comun fini con -o o un ajetivo fini con -a, elefen omete esta vocales si sua fonolojia tolera la consonante final cual resulta.

Verbos fini normal como la infinitivas latina, sin la -re final: "amare" deveni "ama"; "debere" deveni "debe"; "venire" deveni "veni".


Sistemes de scrive model
Logografias Cuneforma | Ieroglifos | Xines | Canji | Maia
Silabarios Tsalagi | Canadianes orijinal | Catacana | Hiragana | Linial B
Abjades Alfabeta orijinal | Arabi | Fenisia | Arami | Ivri | Maniste | Nabatea | Sogdian | Suri | Tifinagh | Ugaritica
Abugidas Bangla | Brami | Calinga | Canada | Caxmiri | Devanagari | Granta | Gujurati | Gupta | Gurmuci | Itiopian | Mianmar | Odia | Sindi | Sinhales | Tai | Tamil | Telugu | Tengwar | Tibetan | Tocarian
Alfabetas completa Adlam | Bopomofo | Cartuli | Cirilica | Copta | Deseret | Deutx | Elinica | Eres | Etrusca | Glagolitica | Goto | Haieren | Hangul | Latina | Mandaia | Mongol | Ogam | N'ko | Runas | Shaw | Turces vea | Uigur
Otra cosas Scrive corente | Stenografia | Transcrive | Alfabeta Fonetical Internasional (AFI) | Unicode