Intal

Intal es un lingua aidante internasional, publicida en 1956 par la linguiste deutx Erich Weferling. La nom de la lingua es un acronim per International Auxiliary Language. Weferling ia atenta uni e compromete entre linguas como esperanto, ido, occidental, neo, novial, e interlingua. La varia final ia es publicida par Weferling en 1978. El ia mori 1982.

Alfabeta e spele

Intal usa 23 leteras de la alfabeta: a, b, c, d, e, f, g, h, i, j, k, l, m, n, o, p, r, s, t, u, v, y, z. La leteras q, w, e x es sola usada en nomes propre e en parolas de otra linguas.

C es pronunsiada como elefen x.

La asentua de un parola es a la vocal ante la consonante final. Esetas es indicada par un marca sur la vocal, pe idé, tabú, etc.

Gramatica

La article de defini: le. La article nondefinida: un.

La nomes no ave un fini spesial. La fini -e es la plu comun per eufonia, pe libre e table. Ma ave ance otras, como hotel e manu.

Nomes de persones e animales ave indicas de seso natural, con -o per mas e -a per fema:

• filio, filia, filies
• Sinioro, Siniora
• patro, matra
• kavale, kavalo, kavala

La plural usa -s:

• libres, filios, filias, hotels, sistems, atoms

La ajetivo es indicada par la fini -i, cual es ometable:

• simpli, beli, bon.

Averbos fini con -im:

• simplim, belim, noktim, privatim.

La pronomes personal no ave formas spesial per ojetos:

• me, tu, nos, vus
• il(o) (mas), el(a) (fem), ol (seso nondefinida), it (cosas)
• les, ilos, elas

La pronom nondefinida es on. La pronom refletante per la person tre (singular e plural) es se.

La determinantes de posese:

• mei, tui, vui, su(i), nosi, vusi, lesi

La determinantes de mostra:

• ti (tie, tio, tia) - esta
• to - acel

La pronomes de demanda e relata:

• ki, ko, kval - ci, ce, cual

La verbes:

• Infinitiva e presente: -a
  • ama, planta, sentia, ekspedia, salua
• Pasada: did o -ed
  • il did planta; il planted - el ia planta
• Futur: ve
  • il ve planta - el va planta
• Perfeta: ha
  • il ha planta - el ia planta ja
• Comandante: -u o la radis
  • stopu! stop! esu!
• Partisipio presente: -ant
  • amant - amante
• Partisipio pasada: -at
  • amat - amada
• Pasiva: es -at (state); fi -at (ata)
  • it is klozat - lo es cluida, on clui lo
  • it fi klozat - lo clui, lo deveni cluida

Verbos aidante es tota monosilabal:

• darf - osa
• dev - debe
• did - ia
• es - es
• fi - deveni
• fid - ia deveni
• ha - ave (per indica la perfeta)
• had - ia ave (")
• las - lasa
• mey - pote, es permeteda
• mus - nesesa, debe
• pot - pote, es capas
• vas - ia es
• ve - va
• vol - vole
• vud - ta

La ordina de parolas es normal SVO (sujeto-verbo-ojeto). Si on vole pone la ojeto direta a un otra loca, on pote ajunta -em:

• tu-em me ama = me ama tu

Numeros:

• un, du, tri, kvar, kvin, siks, sep, ok, nin, dek, dekun, dekdu,..., dudek, deudek un, ..., tridek,...,sent, mil, milion, miliard

La numeros ordinal es formida par ajunta -ti:

• unti (o prim) - numero un
• triti - numero tre

Preposadas opera como en elefen: a, in, sur...

Conjuntas opera como en elefen: e, o, si, ma...

Afisas

• -abl(i) – -able
• -ad – continuante, repetente
• -aje – tipo, spesie
• -al – -al
• -an – membro, abitor
• -ans – astrata
• -ant – -nte
• -ari – regardante
• -arie – resetor, adirijeda, alga profesas
• -aro – colie, grupo
• -asi – tende a...
• -at – -da
• -atc – despetante, mal
• -atri – simil, -in
• -e – person
• -ede – cuantia definida de...
• -em - acusativa
• -endi – nesesada
• -ens – astrata de esiste
• -er – rol de un person, -or
• -erie – instituida, projeta
• -ese – state
• -esk – comensante
• -et - diminuida, -eta
• -i – como..., per forma ajetivos
• -ia – nasion, area
• -id – desendente
• -iere – cosa con un cualia, fruta
• -ifik – produi, causa
• -ike – conseta siensal
• -ilio - asentia de..., sin...
• -ilo – modo
• -indi – deveninte
• -inia – privada de..., falinte
• -ion – ata, state, resulta
• -ira – per forma verbos
• -isme – crede, sistem, -isme
• -ist – credor, seguor, -iste
• -isti – grado plu alta
• -ité – cualia
• -iv – conveninte, capas
• -iz – fa, causa, curante
• -ment – ata, resulta, modo
• -on – aumentada, -on
• -or – rol, carera, -or
• -ori – servor
• -orie – loca, -eria
• -oz – -osa, plen de...
• -tion – ata, resulta (-sion pos -e- o -i-)
• -um – cosa, lingua, neutra
• -un – peso, parte, composante
• -ur – produida, resulta
• -yun – joven

Esemplos

Patro Nosi

Patro nosi ki es in siel

mey tui nom fi santifikat

mey tui regnia ariva

mey tui vole fara

tam in siel kam sur tera

nosi omnidial pane donu a nos hodi

e pardonu nos nosi ofende's

kom nos ank ve pardona tie's

ki ha ofenda nos

e non duka nos in tentation

ma liberifiku nos fro lo mal

Amen.

Ode al joye

Friedrich Schiller

Joye, bel deal sintile,

Filia ek Elizium,

Nos vol entra fairo-ebri,

Tui santuarium.

Tui sorsies liga ri,

Ko da mode seperat.

Omni hom's devena frates,

Ku tu joy' fi kultivat.

Esu embrasat miliones!

E ti kiss al toti mond'!

Frates, super steles-rond'

Es un Deo in sieles.

Imno per joia

Friedrich Schiller

Joia, la sintil bela de la deos,

Fia de Elisio,

Nos entra, ebriada par foco,

La tu santeria.

La tu majia lia denova

Lo cual abitua ia separa.

Tota umanas deveni frates

Do tu, Joia, es cultivada.

Es abrasada, la miliones!

E un besa a la mundo intera!

Frates, supra la sirculo de stelas

Ave un Dio en la sielo.

Bibliografia

• Vera K. Barandovská-Frank: Erich Weferling. Tri jardekoj de lingvofajlado. In: Tazio Carlevaro (Red.): Domaine de la recherche en linguistique appliquée. Bellinzona 1998, p. 196 - 210 (in Esperanto).
• Weferling, Erich: Ek le vive de un oldi interlinguistiker. Braunschweig 1976 (in Intal).
• Weferling. Erich: Intal. Braunschweig 1964 (in Intal).
• Weferling, Erich: Komparation inter Esperanto e Intal in kontrapozati tabeles. Braunschweig 1978 (in Intal).
• Weferling, Erich: Die Plansprache Intal, ein Versuch der Einheitsbildung. Braunschweig 1976 (10th edition) (in German).
• Weferling, Erich: Standard-Gramatike del international planlingue INTAL. Braunschweig 1978 (28th edition) (in Intal).

Lias

• A short grammar of Intal
• Wiki en Intal