Solresol

Solresol ()
Parlada en:
Area:
Tota parlores:
Ordina:
Familia:	Linguas construida
State ofisial
Lingua ofisial de:
Regulada par:
Sifras
ISO 639-1
ISO 639-2
SIL
Vide ance: Lingua – Lista de linguas

Solresol es un lingua artifisal creada par François Sudre, comensante en 1827. Sua libro Langue musicale universelle ia es publicida en 1866.

La vocabula de solresol es formada de sola sete silabas ce pote es representada en modos variosa, pe notas musical, silabas parlada, colores, jestis de la manos, etc.

Parolas plu grande es divideda entre categorias de sinifia fundada a sua silaba (o nota) prima. Per esemplo, parolas comensante con sol ave sinifias relatada a la artes o siensas. Si los comensa con solsol, la sinifias relata a maladia e medica, e tan plu. solsolredo, per esemplo, es la parola per migrania. Como linguas simil, solresol ave difisilias en categori la complica de la mundo real!

En esta modo, Solresol pote ave un numero grande e, seguente Sudre, sufisinte de parolas:

• 7 parolas de un silaba/nota
• 49 parolas de du silabas/notas
• 336 parolas de tre silabas/notas
• 2268 parolas de cuatro silabas/notas

Plu, Sudre ia permete 9072 parolas de sinco silabas/notas per animales, plantas, e minerales spesifada.

Parolas de un e du silabas/notas

La table a su mostra la parolas de un e du silabas/notas:

silabas	-	-do	-re	-mi	-fa	-sol	-la	-si
Do-	no, non-	(presente)	me	tu	el	se	alga	otra
Re-	e, ance	de me	(pasada)	de tu	de el	de nos	de vos	de los
Mi-	o	per, afin	ce (pronom, junta)	(futur)	de ci, de cual	bon (averbo)	ave asi, vide!	bon sera, bon note
Fa-	a (dativa)	ce?	con, juntada	esta, acel	(ipotesal)	per ce	bon, saborosa	multe, estrema
Sol-	si	ma	en	mal (averbo)	car	(comanda)	sempre, eterna	grasias
La-	la (nom/acc)	no cosa, nun	par	asi, ala	mal	nunca	(partisipio ativa)	de (posese)
Si-	si, oce	la mesma	cada	bon dia	peti, poca	senior, seniora	joven	(partisipio pasiva)

La plural es indicada par dupli la pronunsia de la consonante de la silaba/nota final o, en scrive, par ajunta un asentua agu. La formas femal es indicada par estende la pronunsia de la vocal de la silaba/nota final o, en scrive, par ajunta un supralinia a esta vocal. La indicas de la plural o la femal es a la parola peti ante la nom (pe la, de me, senior, etc) o, si un de los no esiste, a la nom se mesma.

Parolas de tre silabas/notas

La parolas de tre silabas/notas es usada per numeros, la menses, la dias de la semana, e la clima:

• rdd - un, prima
• rmm - du
• rff - tre
• ssd - lundi
• ssr - martedi
• drr - janero
• dmm - febrero
• lff - neva
• ttl - calda, caldia
• ttd - pluve

(La cortis usada es d - do, r - re, m - mi, f - fa, s - sol, l - la, t - si/ti)

Parolas de cuatro silabas/notas

Parolas de cuatro silabas/notas es clasida entre sete clases, seguente sua silaba/nota prima:

Parolas cual comensa con do conserna umania, la capasias de umania, sua cualias bon, la cosina, relijio, pretia, etc:

• ddsd - biblio
• dmtt - superstisio
• dffd - pascual
• dmfd - umana
• dftf - consiensa
• dmsf - intelijentia
• dlfr - come, nuri
• dmlr - pronunsia
• dtsf - coce
• dfmr - cualia

Parolas cual comensa con re conserna construi, artisanes, vestes, la casa, mobilas, manteni de la casa, la familia, etc:

• rrdr - construi
• rsrr - pinse
• rrdl - construi de petra
• rsff - martel
• rffm - clavor
• rtdd - utiles
• rlld - fa de armores
• rdft - vestes
• rfdm - mobilas
• rdrf - camisa
• rstr - labora
• rmfl - casa
• rldr - lava
• rmft - abita
• rtds - familia
• rtdt - padre

Parolas cual comensa con mi conserna averbos, preposadas, juntas. Ance: la atas de umania, spesial sua faltas, etc.

• mmdm - an si
• mdrr - sirca, cuasi
• mrrs - gradual, poca e poca
• mdfl - abanda
• mfmf - pigria
• mdsd - teme, duta
• mlrl - malacusa
• mrdl - fa un projeta
• mtmf - obliga
• mfrd - egoisme
• mtfd - nondiscretia

Parolas cual comensa con fa conserna la nasion, cultiva, gera, la mar, viaja, medica:

• fdrm - campania
• fmfl - rejimento
• fdtd - orticultur
• fsmr - stratejia, tatica
• frdr - cultiva
• fldr - naviga
• frdf - cultiva la tera
• ftdr - viaja
• frmf - recolie
• ftsr - viaja a vacanse
• ffds - sirurjia
• ffdl - dentiste
• ffdt - oculiste
• ffrs - farmasiste

Parolas cual comensa con sol conserna la teatre, leteratur, artes, siensas, maladias:

• sdrm - teatre
• smst - armonia
• sdtd - orcestra
• sldl - pinti
• sdtr - strumento
• slmf - sculta
• smsor - musica
• stdr - leteratur
• ssrd - migrania
• sddf - ulseras de la manos o pedes
• sllr - purga
• sfdd - sofoca

Parolas cual comensa con la conserna comersa e industria:

• llrl - libreria
• lmmd - lator
• llmd - primeria
• lsdd - comederia
• llfd - orolojor
• lstt - farina
• ltdd - carneria
• ldrd - industria
• lfsd - mone, moneta
• ldrm - fabrica
• lfsl - franc (mone de frans)
• ldrf - materia
• lfst - sentim
• ldrs - vejetales e frutas
• lfld - mesura
• ldrl - vende (minor)
• lflf - litre
• ldrt - vende major
• lftf - gram
• ldmr - boteca
• lsrf - metre
• lrdl - compra
• lsmr - sample
• lsfr - esibi
• lsfd - cosas o loca de mostra
• lrfr - proposa, ofre
• lsfm - un colie
• lmlf - benes
• ltms - coseria

Parolas cual comensa con si (ti) conserna justia, la corte de lege, la site, maneja, governa, politica, finansia, la polisia, etc:

• ttds - majestrado
• ttlf - prisoni
• ttmd - atesta
• tdmt - munisipa
• trtl - republica
• trdr - governa
• tmld - jornal
• trds - eleje, referendo
• tfmr - internasionalisme
• trtd - diplomatia
• tsmr - finansia
• trtr - politica
• tlmd - polisia

Reversa de sinifia

Un aspeta unica de solresol es ce la sinifias es negada par reversa la silabas in un parola. Pe, fala sinifia "bon", e lafa sinifia "mal":

• msl - bonia; lsm - malia
• sll - sempre; lls - nunca
• mts - bon fortuna; stm - mal fortuna
• slt - asende; tls - desende
• stf - ria; fts - plora
• tml - fasil; lmt - difisil
• dldm - aseta, acorda; mdld - refusa, rejeta
• ftmt - avansa; tmtf - retira

Grados

Solresol usa esta du parolas per indica cuatro grados de la mesma idea:

• ft (ante la ajetivo) - multe
  • ft fl - multe bon
• ft (pos la ajetivo) - la plu, estrema
  • fl ft - bon estrema, la plu bon
• tf (ante la ajetivo) - alga
• tf fl - alga bon
• tf (pos la ajetivo) - poca, no
  • fl tf - poca bon, no bon

La mesma parolas es usada con nomes:

• ttr - venta
• tf ttr - venta peti
• ttr ft - venton
• ft ttr - venta grande
• ttr tf - venteta

Spesies de parolas

La spesie de un parola es indicada par la asentua de un silaba/nota:

• mdf - prefere (verbo - no asentua)
  • mdf - la prefere (cosa - asentua a la silaba prima)
  • mdf - preferable (ajetivo - asentua a la silaba du)
  • mdf - preferable (averbo - asentua a la silaba final)
• rsml - continua (verbo - no asentua)
  • rsml - la continua (cosa - asentua a la silaba prima)
  • rsml - la continuor (person - asentua a la silaba du)
  • rsml - continual (ajetivo - asentua a la silaba tre)
  • rsml - continual (averbo - asentua a la silaba final)

En parla, on estende la silaba/nota, como lo ave du silabas/notas.

Jeneral, la sujeto presede la verbo, e la ojeto segue la verbo. Ajetivos presede nomes, averbos presede verbos. Preposadas e determinantes presede nomes, tempos presede verbos. Nota ce esta regulas fa ce la asentuas no es multe esensal.

Verbos

Verbos no cambia per indica la person o pluralia:

• tdf - comensa
• dr tdf - me comensa

Per indica tempos e modas, on usa dd, rr, mm, ff, ss, ll, tt ante la verbo:

• dd - pasada o pasada perfeta
• rr - ipotesal pasada, ipotesal pasada perfeta
• mm - futur, futur perfeta
• ff - ipotesal presente, ipotesal presente perfeta
• ss - comanda
• ll - partisipio ativa (presente e pasada)
• tt - partisipio pasiva

Per indica la sujuntiva, pone mr (ce) ante la pronom personal.

Per indica la pasiva, usa la verbo aidante frm (es) ante la verbo:

• frm mlt - es amada

Per indica la refletante, pone la pronom du pos la verbo:

• dr ltr dr - me diverte me

Verbos sin sujeto:

• fld - es nesesada
• lss - jela
• lff - neva
• ttd - pluva
• ttr - es ventosa
• lrr - es neblosa
• tts - tona
• mm tts - va tona

Per indica un demanda, pone la pronom personal pos la verbo:

• frm-dr? - me es?
• tds-dr? - nos studia?

Vide ance Ses (lingua)

Fontes

• article en wikipedia
• gramatica de solresol par Boleslas Gajewski
• Omniglot: modos variosa per scrive solresol
• disionario peti de solresol-franses-engles