Abri la menu xef
Communicationssprache
Parlada en:
Area:
Tota parlores:
Familia: Linguas aidante internasional
State ofisial
Lingua ofisial de:
Regulada par:
Sifras
ISO 639-1: -
ISO 639-2: -
ISO 639-3: [1]
SIL: -
Mapa
Communicationssprache.JPG
The cover of Versuch einer Grammatik für eine Allgemeine Communications- oder Weltsprache
Vide ance: LinguaLista de linguas

Communicationssprache (ance conoseda como universal glot, weltsprache, e komuniklingvo) es cisa la lingua aidante internasional plu vea. Lo ia es creada par Joseph Schipfer e ia es prima publicida en 1839 en Wiesbaden, Deutxland.

Communicationssprache es un simpli de franses, cual Schipfer ia judi como cuasi universal en la clases instruida de la mundo en sua eda. Per esemplo:

  • fasilman - fasil, de facilement
  • rena - rena, de reine
  • geanra - jenera, de genre
  • penja - peten, de peigne
  • galita - cualia, de qualité
  • roa - re, de roi
  • batailja - batalia, de bataille
  • ua - agosto, de août
  • botea - belia, de beauté
  • etc

Un cualia nonusual de la lingua es ce tota nomes comensa con letera major, como en deutx.

La nomes ave casos:

  • -a - sujeto (nominativa)
  • -e - posese (jenitiva)
  • -i - ojeto nondireta (dativa)
  • -o - ojeto direta (acusativa)
  • -u - orijina (ablativa)

Plurales fini con -s.

On pote crea un nom femal par ajunta -ia:

  • amia > amiaia - ami mas > ami fema

Pronomes:

La pronomes es artifis:

  • a - me
  • e - tu
  • i - el
  • ia - el (fema)
  • il - lo
  • se - se (refletante)

Lo ave la mesma finis como la nomes per casos e pluralia:

  • as - nos
  • es - vos
  • is - los
  • ios - los (ojeto)
  • aes - de nos (posese)
  • etc

Ma la lingua ave ance otra formas per la ajetivos de posese:

  • ma - mea
  • ta - tua
  • sa - sua
  • no - nosa
  • vo - vosa
  • lora - sua (plural)

La pronomes de posese es formida de estas par ajunta -ia, e varia como nomes.

Determinantes de mostra no varia:

  • tis - esta
  • tos - acel

La pronomes de mostra es formida par ajunta -ia e varia como la nomes.

Parolas de demanda es ance nonvariante:

  • wa o was - ce/cual (determinantes)
  • waia o wasia - ce/cual (pronomes)

La pronom de relata es wia, con casos como la nomes.

La pronomes de nondefini es como en franses:

  • quelq - alga
  • chac - cada
  • quelcuna - algun
  • chacuna - cadun
  • etc

Ajetivos no varia. La compara de ajetivos es con -ior e -iost, o con mor e most.

Multe averbos es direta de franses, e otras es derivada de ajetivos par ajunta -ly.

La infinitiva fini con -er, pe parler, finer, recever.... La infinitiva pasiva fini con -eri.

Verbos varia per person e pluralia par ajunta a, e, i, as, es, o is. Per esta razona, la pronomes sujetal no es nesesada.

  • La presente ave sola esta finis:
  • La pasada ave -e- pos la verbo e ante la sufisa personal;
  • la presente perfeta ave -i- ala;
  • la pasada perfeta ave -o- ala;
  • la futur ave -u- ala.

Lo pare ce la autor no es ajitada par segues de vocales, an du de la mesma!

La sujuntiva ave -i- pos la sufisa de tempo e ante la sufisa personal. Esta regula sujesta ce un parola como arriviii (presente perfeta, sujuntiva, person tre, singular) ta es posible!

La partisipios fini con -ang, -ing, o ung. Los no varia.

La nega es espresada par pone non ante la verbo.

Demandas es creada par pone an o ne a la comensa de la frase.

Numeros:

  • 1 - una
  • 2 - dua
  • 3 - tria
  • 4 - quatra
  • 5 - quina
  • 6 - sesta
  • 7 - setta
  • 8 - otta
  • 9 - nona
  • 10 - dia

La ordinales es creada par ajunta -nia, e la averbos ordinal par ajunta -ly.

EsemploEdita

No Pera, wia ete Cielu
ta Noma sanctiferii;
ta Royoma Ais arrivii;
ta volonta färerii
com Cielu änsi Terru.
Donne Ais noa Päno quotidien;
pardonne Ais noa offansos,
com pardonnas Aos offanding;
non permette que succombias tantationi;
mä delivre Aos malu.

BibliografiaEdita

  • Joseph Schipfer (1839). Versuch einer Grammatik für eine Allgemeine Communications- oder Weltsprache. Wiesbaden

LiasEdita