Klingon (lingua)

Klingon tlhIngan Hol
Parlada en:
Area:
Tota parlores:	20
Familia:	Linguas construida
State ofisial
Lingua ofisial de:	Klingones
Regulada par:	Marc Okrand
Sifras
ISO 639-1:	[1]
ISO 639-2:	tlh
ISO 639-3:	[2]
SIL:	[3]
Mapa
Vide ance: Lingua – Lista de linguas

Klingon es un lingua construida par Marc Okrand per es usada en la universo de Star Trek.

Descriveda en la libro The Klingon Language, publicida en 1985 par Marc Okrand e desiniada volente per sona "estrateran", lo ave un cuantia de cualias tipolojial noncomun. La sona fundal de la lingua, como ance alga parolas, ia es prima inventada par la ator James Doohan ("Scotty" en la serie Star Trek) e la produor Jon Povill per Star Trek: the Motion Picture. Esta filma ia es la ves prima cuando la lingua ia es oiada en la televide. En la apares pasada, la klingones ia parola en engles. A pos la lingua ia es developada par Marc Okrand.

Istoria

An si indicada en la episodio de la serie Star Trek "The Trouble with Tribbles", la lingua klingon ia apare un en Star Trek: The Motion Picture (1979). Seguente la ator ci ia parola la linias, Mark Lenard, Kames Doohan ia rejistra la linias cual el ia scrive e Lenard ia transcrive los de un forma en cual el ia trova fasil aprende los.

Gramatica

La klingon es un lingua aglutinante, usante xef afisas per altera la funsiona o sinifia de parolas. Alga nomes ave la inere de formas plural, como jengva’ "plato" (contra ngop "platos"), ma la plu parte de nomes nesesa un sufisa per espresa la pluralia clar.

La ordina la plu comun en klingon es ojeto-verbo-sujeto e, en la majoria de la casos, lo es la reversa esata de lingua franca nova:

DaH  mojaq-mey-vam  DI-vuS-nIS-be’  ’e’  vI-Har
aora sufisa-PL-DEM  1PL.A.3PL.P-limita-nesesa-NEG ce 1SG.A.3SG.P-crede
Me crede ce nos no nesesa limita esta sufisas aora.

(Ifenes es usada a su sola per esempli la usa de afisas. Los no es usada en klingon).

Parlores

Un numero peti de parlores es capas de conversa en klingon. Arika Okrent ia estima en sua libro In the Land of Invented Languages' ce on ta ave 20-30 parlores fluente.

Leteratur

• ghIlghameS
• Hamlet
• paghmo’ tIn mIS (Multe ajita sur no cosa)
• pIn’a’ qan paQDI’norgh (Tao Te Ching).

Esemplos

tlhIngan Hol Dajatlh’a’?

Esce tu parla klingon?

Lias esterna

• Klingon Language Institute
• Klingonska Akademien