Lingwa de planeta

(Redirijeda de Lingwa de Planeta)

Lingwa de Planeta (cortida como LdP lidepla) es un lingua introduida en 2006 par Dmitri Ivanov e otras. La difere major de otra LAIs es ce la vocabula es fundida sur la plu de la linguas nasional la plu parlada, pd Engles, Espaniol, Deutx, Franses, Portuges, Xines, Rusce, Hindi, Arabi, e Farsi. La idea es ce persones ci parla un de esta linguas ta deveni plu interesada si alga parolas es familiar. Lidepla usa ance "encorpora" per crea parolas nova, spesial parolas tecnical. "Encorpora" us la junta de du parolas per indica un idea, sin cambia los. Per esemplo taim-komo-worda es la parola per "averbos de tempo".

La alfabeta usada per lidepla ave 25 leteras: a, b, c, d, e, f, g, h, i, j, k, l, m, n, o, p, r, s, t, u, v, w, x, y, z. Los es prosima pronunsiada como en engles, ma alga duples no nesesa es distinguida (pd s e z no difere), per simpli pronunsia per parlores ci no ave la distinguis comun. c es usada sola en ch (tx), e sh es usada per lfn x.

La gramatica de Lidepla es simil a xines, con la usa tipal de particulas, ma con un cuantia peti de sufisas. La ordina de parolas es sujeto-verbo-ojeto, con parolas alterante presedente la parola alterada. Sufisas es clar e no cambia la forma de la radis o de se mesma. Per esemplo:

dumi - pensa
dumishil - pensosa
dumishiltaa - pensosia

Sufisas e particulas gramatical, como -s per plural o bin per la pasada, no es usada estra cuando nesesada per comunica clar. A la otra lado, on pote eleje de particulas variosa per indica sutilias de sinifia: en ajunta de bin, on pote usa gwo per indica la pasada distante, o yus per la pasada multe resente, o he per la pasada perfeta.

Per plu informa, vade a Lingwa de Planeta

Linguas construida (lista)
Linguas aidante internasional adjuvilobolakcommunicationsspracheengles basalesperanto (esperantido) • esperanto 2esperanto reformidaglobasaglosaidiom neutralidointalinterglossainterlinguakahkosmoskotavalangue nouvellelatinescelatino sine flexionelingua franca novalingua franca nuovalingwa de planetalingwe uniwersalamondialmondlangomundezemundolincomundolingueneonovialoccidentalsessolresolsonaspokiltavouniversalgloturopivolapükyolik
Linguas aidante zonal afrihiliefatesefolkspraakfrenkischmedjusloviansceromániçoromanidslovianto
Linguas esperimental lincoslojbanloglantociponavoksigid
Linguas artal aingeljãdothrakiklingonláadannadsatquenya