Psice e Eros
Psicolojia
Psice e Eros es un mito de Elas antica sur la developa de la ama entre Psice, un mortal bela, e Eros, la dio de ama.
- Lo cual on ia nomi la "psice" o papilio es jenerada par erugas cual nuri se sur folias verde, xef sur la folias de "theraphanus", cual alga nomi col. A prima, lo es min ca un gran de milio; alora lo crese a un larva peti; e en tre dias, lo es un eruga peti. Pos esta, lo crese e crese e ultima deveni inerte e cambia sua forma, e es aora nomida un crisalida. La casca esterna es dur, e la crisalida move si tu toca lo. Lo afisa se par fibres como los de la rede de un arania, ma es sin un boca o cualce otra organo. Pos un tempo peti, la covre esterna esplode intera, e un vivente con alias vola a estra, cual nos nomi la "psice" o papilio.
- (De La Istoria de Animales par Aristotele, 551a.1)
Psice ia es un de tre sores, prinsesas en un rena elinica. Tota tre ia es bela, ma Psice ia es la plu bela. Afrodite, la diva de ama e belia, ia regarda Psice e sua sores e ia es jelosa de tota la atende cual Psice ia reseta. Alora el ia clama sua fio Eros e ia suplica ce el ta encanta Psice. Sempre obedinte, Eros ia vola su a tera con du boteletas de preparas. Nonvidable, el ia duxi Psice con la prepara cual causa ce omes ta evita el cuando los pensa de sposi. Par mal fortuna, Eros ia pica Psice con un de sua flexas (cual causa ce algun ta deveni direta amosa) e el velia surprendeda. La belia de Psice, alora, surprendeda Eros, e el pica se mesma ance, par mal fortuna. Car Eros ia regrete sua atas, el alora duxi el con la otra prepara, cual ta furni el con joia en sua vive.
Como on ta espeta, Psice, an si ancora bela, no pote trova un sposo. Sua jenitores, temente ce los ia ofende la dios en alga modo, ia demanda de un oraculo per revela la sposo futur de Psice. La oraculo ia dise ce, an si no om ta vole sposi el, on ave un vivente sur la culmina de un monte ci ta sposi el.
Sedente a la nonevitable, Psice ia comensa a la monte. Cuando el ia veni prosima, el ia es levada par un venta dulse e ia es portada a la culmina. Cuando el ia ariva, el ia vide ce sua abitada nova ia es, en fato, un palasio rica e bela. Sua sposo nova no ia permete ce Psice ta vide el, ma el ia mostra ce el es un amor vera e jentil. El ia es, natural, Eros mesma!
Pos alga tempo, Psice ia deveni anela de sua familia, e el ia demanda si el pote es permeteda per reseta sua sores per un visita. Cuando los ia vide como bela la casa nova de Psice ia es, los deveni jelosa. Los ia vade a el e dise a el ce el no oblida ce sua sposo ia es un tipo de monstro, e ce, sin duta, sua sposa ia es sola pleni el per come el. Los ia sujesta ce el asconde un lampa e un cotel prosima sua leto, afin la acaso seguente ce sua sposo ta visita el, el ta pote vide si el es vera un monstro, e destesti el si lo es vera.
La sores ia convinse el ce esta ia es la plu bon idea, donce la acaso seguente cuando sua sposo ia veni per visita el, el ia ave un lampa e cotel oportun. Cuando Psice ia leva la lampa, el vide ce sua sposo no es un monstro, ma es Eros! Surprendeda, Eros core a la fenetra e vola a via. Psice ia salta a estra per el, ma ia cade a la tera e resta ala, nonconsensa.
Cuando Psice ia veli, la palasio ia desapare, e el trova se en un campo prosima a sua casa vea. El ia vade a la templo de Afrodite e ia prea per aida. Afrodite ia responde par dona a el un serie de cuatro taxes per completa - taxes cual Afrodite ia crede ce la fia no ta pote completa.
La prima ia es un caso de organiza un monton grande de granes miscada a pilas separada. Psice ia regarda la monton e ia despera, ma Eros ia organiza secreta ce un armada de formicas ta separa la pilas. Afrodite, reveninte la matina seguente, ia acusa Psice de ave aida, como el ia vera fa.
La taxe seguente ia es composada de prende un talieta de lana de oro de cada de un manada spesial de oveas cual abita ultra un rio prosima. La dio de la rio ia avisa ce Psice atende asta la oveas ta xerca per ombras de la sol de mediadia. Alora, los ta deveni dormosa e no ta ataca el. Cuando Psice ia presenta la lana a Afrodite, la diva acusa denova ce Psice ia ave aida.
La taxe tre cual Afrodite pone ante Psice ia es ce el ta prende un tas de acua de la rio Stix, do lo cascade a su de un altia merveliosa. Psice ia pensa ce sua esperas ia es perdeda, asta un agila ia aida el par porta la tas a supra la monte e reveni con la acua. Afrodite ia es furiosa, conosente clar ce Psice no ta pote ateni esta gol par se mesma!
La taxe seguente per Psice ia es ce el vade a enferno per demanda de Persefone, sposa de Hades, per un caxa de macia majiosa. Pensante ce el ia es ruinada, Psice ia deside fini sua vive par salta de un presipe. Ma un vos ia dise ce el no ta fa lo, e ia dona instruis a el como el pote vade a enferno per prende la casa. Ma, la vos averti, no vide en la caxa en cualce caso!
Alora, Psice ia reseta la caxa de Persefone e reveni a sua casa. Ma, seguente sua natur, el no ia es capas per restrinje se mesma de videta a en. El ia es surprende par no vide cualce cosa a en ma oscuria, cual ia causa ce el dorminte profonda. Eros no ia pote restrinje se mesma ance e velia Psice. Eros ia instrui el per trae la caxa a Afrodite, e ce el ta atende a la resta.
Eros ia vade a la sielo e ia demanda de Zeus per interveni. El ia parla de sua ama per Psice tan bonparlante ce Zeus ia es emosiada a dona sua espera e el. Eros ia trae Psice a Zeus, ci dona a el un tas de ambrosia, la bevida de nonmortalia. Alora, Zeus ia lia Psice e Eros en sposi eterna. Plu tarda, los ia ave un fia, ci los ta nomi Plaser.